Uathachas in Éirinn

Cóisir Chinn Bliana

2011-12-22T10:03:00.000Z

An lá deireanach scoile inniu agus beidh cóisir ranga acu. Nach aoibhinn beatha an scoláire? Thainig an scéal abhaile aréir go raibh cead acu a éadaí féin a chaitheamh ar an lá agus nach deas dóibh é sin anois is arís.Ar maidin bheartaigh sí féin ar chulaith Oíche Shamhna a chaitheamh, nó 'Cinderella Slave Girl Dress' mar a thugann sí féin air.

"A mhúirnín, ní féidir leat é sin a chaitheamh - cad a dhéarfas do mhúinteoir nuair a fheiceann sí sin?"

"Dúirt sí go raibh cead againn ár éadaí féin a chaitheamh!"

"Ach ní sin a bhí i gceist aici. Is tusa a an t-aon duine a bhéas gléasta mar sin. Cad atá tú chun a rá nuair a iarann príomhoide ort cé a thug cead duit gléasadh mar sin?"

"Tá mé chun a rá gur thug tusa cead dom."

"!"

Seo mar a chuaigh m'iníon ar scoil ar maidin mar sin. Níor fuaireas glaoch uathu fós ag gearán, ach é sin ráite, tá an guthán múchta agam ar eagla na heagla.

Luaithríona an Sclábhaí

Níl sé seo PC, nó gar dhó.

2011-11-09T22:42:00.000Z

Cheistíos cheanna féin cad is ciníochas ann. Aréir ar twitter, fad is a bhí clár á chraoladh ag Vincent Browne faoi shaolta an Lucht Siúil, bhí roinnt samplaí náireacha den fhuath is gnách a chloisint ón Lucht Lonnaithe in Éireann i gcoinne a gcomhshaoránaigh. Táim cinnte gur raibh lán-choinne ag an mBrúnach roimh an sruth nimhneach seo, mar tá an meon seo sáite i gcultúr na tíre. N'fheadar cathain ar fhás an deighilt seo inár measc?

Bhí clár ar RTÉ i rith an tsamhraidh, Blood of the Travellers, inár déanadh taighde DNA a léirigh gur am éigin thart a míle bhliain ó shin a d'fhás an chraobh seo ar chrann an náisiúin, agus a léirigh chomh maith nach bhfuil amhras dá laghad gur ó bhunadh Éireannach an Lucht Siúil.

Dár ndóigh tá imní nó eagla nó buairt faoin 'eile' i gceist anseo, mar a bheadh ag páiste scoile ar an gcéad lá ar scoil, ach ní bheithfeá ag ceapadh nach mbeadh daoine fásta stuama in ann srian dá laghad a chur lena n-imní, gan trácht ar ligint dó fás ina thuille fíochmhar ina bháitear aon rian den chomhbhá a bheithfeá ag súil le ó aon duine, idir óg agus aosta.

Ní bheinn ag trácht ar seo anocht arís ach amháin go bhfuil twitter fós ar creathadh le scannal Peter Collins. Is craoltar é Peter Collins d'aithneofá dá bhfeicfeá ar an mbus é, ach bheadh deacracht agat ainm a chur leis. Aréir, i lár an aonaigh ar sruth #vinb, chaith Peter Collins dorn len Lucht Siúil, nach raibh leath chomh nimhneach lena bhí ar siúl ag an Einsatzgruppen mórthimpeall air, ach fós, de bharr go raibh a ainm á chur aige leis, bhí se suantasach go leor, dár liom.

Sin agaibh é mar sin. RTÉ Sport - Gan Trua. Gan Trócaire.

B'fhéidir nach bhfuil mórán trua aige don Lucht Siúil ach tá sé ait domsa ar aon nós go bhfuil sé sásta a leithéid a rá go h-oscailte. Ní h-é go bhfuilim ag rá nach bhfuil sé de cheart ag duine dearcthaí ciníocha a bheith acu, nó fiú gur chóir cinsireacht a dhéanamh orthu, ach amháin nár chóir lucht an chiníochais a fhostú le RTÉ.

Dár ndóigh, bhí freagra aige ar seo.

Sin ceart go leor mar sin, an ea a Pheadair? Is féidir fuath gan teorainn a bheith againn dár gcomhshaoránaigh, mar ní cine ar leith iad? In ainm Chroim!

D'fhás fiche cuntais twitter eile thar oíche @RealPeterCollins, @ICantBelieveItsNotPeterCollins, @Snilloc Retep agus gach saghas magadh eile ag maíomh gur Peter Collins iad agus ag iarraidh síol an smaoinimh, nach é Peter Collins féin a rinne na giolcacha thuas, a chur.

Seafóid é seo, dár liom. Má bhreathnaítear ar an gcuntas seo anois tá sé ina shlíbhín cheart ag maíomh go bhfuil brón air, gan admháil gur leis na giolcacha sa chéad áit.

Ná bí buartha a Pheadair. Beimid uile ag breathnú ar an gcluiche Dé hAoine. N'fheadar an mbeidh sé ag 'taisteal' ann é féin?

Sam sa bhaile.

2011-11-05T21:30:00.000Z

Nílim tuirseach a bheith ag breathnú ar seo fós.

Eag.: fadhb éigin leis an bhfíseán seo anois. Tá sé seolta go youtube anois agam agus sin atá thuas anois.

Shooting 'Stars'

2011-11-03T14:18:00.003Z

Maidin caite agam ag comhaireamh boinn airgid chun iarracht a dhéanamh billí a ghlanadh. Mar is gnáth, caithfear tús áite a thabhairt dóibhsean atá ag bagairt dlí orm. Ceadúnas Teilifíse íoctha anois don bhliain. Tá baol ann go maróinn Pat Kenny nó Joe Duffy dá mbualfainn inniu leo - bígí ar bhur n-aire, a bhuachaillí.

Tá Bord Gáis ag bagairt an fiacha a dhíol don Viper no a leithéidí de réir dealramh agus / nó an dlí a chur orm. D'athraíos go Airtricity cúpla mí ó shin agus beagnach €400 fós ag dul don Bhord Gáis, ach ós rud é nach bhfuil mé leo a thuilleadh ní féidir leo an chumhacht a ghearradh uainn. Chaitheas €68 chucu ar maidin, málaí airgid san áireamh agus tá níos lú ná €80 ag dul dóibh anois. Is fearr leath ná meath. Beag baol go maródh an Viper ar an méid sin mé, ach más rud é go ndéanfadh, bheinn sásta €100 a thabhairt dó 'cuairt' a thabhairt ar Pat Kenny.

Íomhá ó bigmentaldisease.com

κλέπτοκρατία

2011-11-02T22:39:00.000Z

Le géarchéim na Gréige go mór i mbéal an phobail faoi láthair, is maith an t-am é macnamh a dhéanamh ar staid ár sochaí féin i gcomhthéacs réabadh na sochaí a mhaítear gur bhronn an daonlathas, nó an δημοκρατία* orainn.

Nuair a thráchtar ar an domhan Iarthair, 'sé an cultúr Eorpach nó Eoraip-lárnach atá i gceist agus níl aon amhras gurb ón seanchultúr clasaiceach Rómhánach agus Gréigeach a d'eascair sé. De ghnáth is cultúr Daonlathach atá i gceist, le bunadh mhorálta Chríostaíoch leis agus córas eacnamúil Chapitileach chomh maith.

Dár ndóigh níl aon fáth go mbeadh an trí tréithe seo polaitiúil, morálta agus eacnamúil mar atáid, ach amháin gur mar shin a d'fhág oidhreacht na staire dúinn iad. Anuas ar seo, caithfear a aithint nach ionann an gaol idir na iarsmaí seo i chuile chuid den Iarthar, nó fiú ó ghlúin go glúin. Feictear go bhfuil meath mór tagtha ar thionchar na Críostaíochta sa réimneas morálta mar shampla, ach bíodh is go raibh míl-aois go leith aige i gceannas ar mheoin an Iarthair, beidh a rian ann go deo, fiú má chailltear cleachtas foirmeálta.

Tá cáineadh déanta ag an bhfealsúnaí Liobrálach Karl Popper, sna leabhair 'The Open Society & its Enemies', ar thionchar smaointe Plato, Hegel & Marx ar sochaithe an Iarthair, ach go h-áirithe i dtaobh an tslí a fheictear dó go ndéantar faillí ar chearta an duine aonair ar mhaithe le cumhacht stáit a chaomhnú. Dár le Popper, tá baol mór ag baint le h-iarracht sochaí a chruthú bunaithe ar ídéal, go h-áirithe más ídéal ó leabhar éigin 'naofa' é, Πολιτεία Phlato, nó Kapital Mharx san áireamh.

Ní dóigh liom go raibh sé ar intinn Plato ina Πολιτεία ach muintir Αθήνα a chur ag macnamh ar an sochaí a bhí acu féin agus a lochtanna, seachas moladh na fealsúnaithe-ríthe a chur i réimeas, agus mar a thuigtear domsa é ar aon nós, níl i Kapital Mharx ach míniú ar oibriú stairiúil an Chapitileachais, seachas leagan amach ar an todhchaí Cumannach. É sin ráite, níl dóthain eolais agam ar sochaí na Gréige dhá mhílaois ó shin, nó i saol Eorpach an naoú chéad déag chun cáineadh nó moladh a dhéanamh ar ceachtar de na leabhair naofa seo, fiú dá mbeidis léite agam ina iomláine, (rud nach bhfuil). Cé nach nglacaim le cáineadh Phopper, glacaim lena chomhairle a bheith ar aire faoi dhogmacht idéalach, a dhogmacht Liobrálach féin san áireamh.

Ní fealsúnaí Chaipitileach nó Liobrálach nó Cumannach mé, ach caithfidh mé a bheith macánta agus a adhmáil gur sa champa dheireannach is mó a aithním spiorad an todhchaí, nó foinse óna bhféadfaimis an domhain a chur ina cheart, gan go mbeinn ag cloí go bhuan le tuairimí duine a mhair céad go leith ó shin i ndomhan iomlán éagsúl, le fadhbanna éagsúla agus éagóirí éagsúla.

Maítear gur theip ar theoiric Mharx de bharr fás an mhéan-aicme agus nár lean an Chaipitileachas ag réabadh leis go dtí go raibh gach éinne seachas lucht an rachmais mar sclábhaithe, ach ní mar seo a fheictear domsa é. Ní gá ach breathnú ar an dTriú Domhain chun na sclábhaithe a fheiscint. Tá sé soiléir le blianta bheaga anuas nach fada nach mbeidh gá breathnú chomh fada sin ach oiread amach anseo. Is dócha go léiríonn cruachás na nGréigeach atá i ndán dúinn uile, atá le céasadh ag an gCaipitil. Tá teip iomlán tagtha ar an gCaipitileachas sa tír sin agus tá na Caipitiligh anois ag smaoineamh ar conas is fearr deora deireannacha fola chosmhuintir na Gréige a dhortadh ar mhaithe an méid is mó rachmais a choimeád dóibh féin - ach cad a dhéanfadh mac an chait?

D'fhógraíodh reifreann chun go gcloistí guth na ndaoine agus ní mó ná sásta atá na Caiptiligh faoi seo. Gach seans nach mbeidh an reifreann acu ar deireadh má chuirtear deireadh len rialtas a d'fhógair é, ach fiú má bhíonn sé acu, cé a cheapann gur cleachtas δημοκρατία a bhéas ann? I ndáiríre?

Muna mbíonn na Caipitiligh sna bainc sásta leis an bhfreagra nach féidir an cheist a chur arís? Cé a cheapann go mbeidh muintir na Gréige saor chun a gcinneadh féin a dhéanamh faoi cén saghas sochaí ar mhaith leo amach anseo? Cad má chinneann siad fiacha na gCaipitiligh a shéanadh agus ligint do bainc na Fraince agus na Gearmáine titim as a chéile? Cad má aithníonn siad go bhfuil an córas eacnamaíochta Caipitiligh lofa go h-uile is go h-iomlán agus nach fiú leanúint leis a thuilleadh?

Níl dóthain eolais agam faoin nGréig chun a bheith cinnte an mbeadh sé ar intinn ag muintir na Gréige a leithéid de chinntí a dhéanamh, ach nár cóir go mbeadh saoirse acu a rogha a dhéanamh mar sin féin?

Is cinnte nach bhfuil an saoirse sin againn anseo in Éirinn, mar, maraon leis an nGréig, ní daonlathas é seo atá againn ach oiread. 'Séard atá anseo againn ná corás ina bhfuil lucht an rachmais i bhfeighil agus caitheann siad a bheith cúramach gan feall ró-náireach a dhéanamh ionas go spreagfaí muintir na tíre chun agóide nó chun aighnis, ach lasmuigh de sin, is féidir leo a rogha rud a dhéanamh. Gadaíocht náireach NAMA? Fadhb ar bith. Baint na Cártaí Leighis ó seanóirí na tíre? B'fhéidir gur b'fhearr cúlú bheag ansin, ar eagla na h-eagla, nach dtuigeann tú? Scrios na SNAanna sna scoileanna? Scroisigí libh! Íoc $1,000,000,000 do bannashealbhóirí Anglo? Scaoil amach é a bhuachaillí, ní chloisim círéib fós. Yeeeha! Up Mayo!

Is iad a leithéidí O'Reilly, O'Brien, Desmond & Smurfit atá i gceannas ar an tír seo. Dár ndóigh, tá roinnt eile leo, daoine nach mbeadh aithne againn orthu ar chor ar bith, i bhfolach taobh thiar de bhallaí arda a dtithe galánta, ag caitheamh míle euro anseo agus míle euro ansiúd i dtreo na bpolaiteor ag cinntiú go ndéantar a dtoil. Táid i bhfolach ag barr na Ranna Rialtais, ag barr an Chórais Dlí, ag barr an Chórais Leighis, ag barr na Comhlachtaí Leath-Stáit, ag síor-stiúradh cúrsaí ar a mhaithe féin. Tá an aicme seo i ndiaidh geilleagar na tíre a scrios ó bun go barr agus níl éinne acu ós comhair na cúirte fós, gan trácht ar ciontaithe. Tá na creachadóirí seo fós saor chun a ngadaíocht a dhéanamh gan aon bac, gan a bheith buartha faoi suim na nGardaí.

Níl daonlathas againn mar sin. Níl sé de cheart ná de chumhacht muintír na tíre lámh a bheith acu i stiúradh na sochaí. Níl againn ach panem et circenses anois 's arís le lucht rachmais i bhfeighil ar na meáin chun a cinntiú nach féidir an buan-rialtas a dhíbirt. Níl aon δημοκρατία i réim anseo, ná sa Ghréig ach oiread.

'Séard atá againn ná riail na ngadaithe 's na creachadóirí. κλέπτοκρατία. Creachlathas.

* An bhfeiceann sibh éirí in airde an amadáin seo, lena Ghréigis Ghoogle Translate?

Fearann bán ... síolta i ndán

2011-10-24T13:29:00.000+01:00

Fearann nua agam do mo chúinne-sa den idirlíon - uathachas.ie

Fearann bán atá ann go fóill áfach, gan ann ach naisc chun blag agus mo charnán beag de túiteanna. Amach anseo déanfaidh mé iarracht air é a threabhadh agus b'fhéidir go mbeidh barraíocht iontach agam ann amach anseo.

Rud a chuireann parabal an tsíoladóra i gcuimhne dom ...

Man! (mar a dheireadh na hipithe tráth) ... cad a bhíodh á caitheamh ag Íosa?

Leasaithe?

2011-10-13T22:47:00.000+01:00

Cuireann leasú athrú chun feabhais in iúl domsa ar aon nós, ach ag éisteacht le hIar Bhreitheamh Bryan McMahon tá sé deacair a chreidiúnt go bhfuil sé ar intinn an rialtais an leasú atá fógartha i leith tuarastail na mbreithúna a chur ós ár gcómhair sa bhfoirm ina bhfuil sé faoi láthair. Cé go bhfuil dualgas ar an mBreitheamh McMahon a bheith neodrach ar an scéal bhí sé cuíosach soiléir domsa ag éisteacht leis ar maidin nach raibh mórán meas aige ar an leasú áirithe seo. Agus ní nach ionadh!

Pé amadán a dhreachtaigh an ráiméis éiginnte, míshoiléir, róchasta seo ba chóir é a bhriseadh óna phost. Bheinn ag súil le tuilleadh díograis ó dhaltaí bunscoile. Dár ndóigh ní dhéanfaí a leithéid, ach a mhalairt: is dócha gur 'thuill' sé nó sí na mílte euro as ucht a lag-iarracht.

Dár ndóigh is i mBéarla amháin a phléadh an leasú seo ar maidin agus níl aon amhras go bhfuil dhá peaca marfacha ar a laghad sna focail Béarla ach bhíos fiosrach fós ar an leagan Ghaeilge a bheadh acu, mar, mar is eol do chách, is ag an leagan Gaeilge atá an tosaíocht, má tharlaíonn sé riamh go n-airítear éagsúlacht ar bith idir bhrí sa Sacs-Bhéarla agus briathra binne ár dteanga dúchasach.

Isteach liom mar sin ar shuíomh An Choimisiúin Reifrinn chun an leagan Gaeilge a scrúdú agus tá na deacraíochtaí ceannan céanna ann.

35 5 1° Ní cead laghdú a dhéanamh ar thuarastail breithiúna an fad is bheidh in oifig ach amháin de réir an ailt seo.
35 5 2° Tá tuarastail breithiúna faoi réir ag forchur cánacha, tobhach nó muirear eile a fhorchuirtear de réir an dlí ar dhaoine go ginearálta nó ar dhaoine is le haicme áirithe iad.
35 5 3° I gcás, roimh achtachán an ailt seo nó tar éis é a achtú, go ndearnadh laghduithe nó go ndéantar laghduithe de réir dlí ar thuarastail daoine is le haicmí daoine iad a n-íoctar a dtuarastail as airgead poiblí agus nuair a shonraítear le dlí den sórt sin go bhfuil na laghduithe sin chun leasa an phobail, d’fhéadfaí foráil a dhéanamh freisin de réir dlí chun laghduithe comhréireacha a dhéanamh ar thuarastail breithiúna.

Cén fáth sa tsioc a bhfuil an tagairt ann do aicmí áirithe? Cén fáth an éiginnteacht seo? Cén fáth nach rabhadar in ann é a fhágaint le daoine go ginearálta? Cad iad na aicmí seo agus conas a n-aithneofá iad? Protastúnaigh? Giúdaigh? Imircigh?

An dara deacracht a d'aithin an Breitheamh McMahon ná'n focal 'comhréireacha'. B'fhéidir go mbeadh an gnáth tuiscint ag formhór againn ar seo sa chaoi is gur an comhréir 1:1 atá i gceist, ach ní sin a dheireann sé. B'fhéidir gur an comhréir 1:20 atá i gceist. N'fheadar?

Dár liom, nuair atá bunreacht i gceist, ní chóir go mbeadh éiginnteacht ann agus ní chóir go mbeadh a mhalairt de bhrí ar na briathra. Mar is sna tuiscint malartacha seo a 'thuillfear' na milliúin amach anseo le dlíodóirí ag argóint i measc a chéile.

Ní fhéadfainn tacú leis na 'leasaithe' seo ar aon nós. Ach i ndáiríre tá sé scanallach go bhfuil an tseafóid seo á bhrú nuair atá an tír ag titim as a chéile agus míle rud eile gur fearr a bheith ag díriú orthu.

Seo a tharlaíonn nuair nach bhfuil innealtóirí i bhfeighil.

Oilithreacht

2011-09-17T18:11:00.002+01:00

Maidin amárach tabharfaimid faoi oilithreacht nach bhfuil déanta agam le blianta fada anuas agus a bhfuil súil níos ghéire agam leis de bharr iontais na h-annamhachta. Bhíos ró-óg sna seachtódaí dul ann, ach óg go leor sna hochtódaí dul ann le m'athair. Sna nóchadaí bhíos ró-shean dreapadh thar na geataí mar b'iondúil tráth dá raibh agus is oth liom a rá nach raibh gá agam dul ann in aon chor sna náideannaí. Amárach mar sin an chéad uair a thabharfaimid fén bóthair áirithe seo ar an lá áirithe seo agus sliocht dom chuid féin i mo theannta. Beidh sé deacair gan smaoineamh othrusan a bheadh ann ach iad a bheith imithe ar shlí na fírinne agus silfear deor nó dhó ar a shon gan amhras. Ólfar braon nó dhó chomh maith, mar is ceilliúradh atá i gceist seachas tóramh. Ach fós, n'fheadar an mbeidh éinne ag smaoineamh orainn fiche nó tríocha bhliain amach anseo ar an lá céanna?

Ag deireadh an lae, bíodh bua againn nó ná bíodh, béimid sona sásta go rabhamar ann agus ag tnúth len bhóthair céanna a bhualadh an bhliain seo chugainn. Go mbeirimid beo an t-am seo arís. Go mbeirimid bua!

Áth Cliath Abú!

Dubs Abú!

Witches in the Wood.

2011-09-10T13:37:00.000+01:00

Seacht nó ocht mbliana ó shin, oíche fliuch fuar nuair a bhíomar go léir sa bhaile tháinig gadaí isteach sa teach agus bhreith sé leis mála le deirfiúr mo bhean.

Bhí sí i ndiaidh filleadh ó BhÁC tar éis lá siopadóireachta don teach nua a bhí ceannaithe aici lena fear. Faraor, bhíodh (agus tá fós) súil ar leith aici don saghas troscáin a n-oireadh di agus ar an lá áirithe sin, níor thangadar ar aon rud ar b'fhiú dóibh a cheannacht dár leo agus de bharr sin, bhí na céadta euro sa mála aici, chomh maith le ceamara agus dár ndóigh gach saghas mion rud pearsanta is iondúil a bheith i mála mhnaoi.

Agus muid inár suí sa seomra suite agus beirt páiste óga ag rith mór thimpeall an tí, bhí an Casaoideach* ag feitheamh orainn sa chúlgháirdín, ag faire isteach orainn go bhfaigheadh sé deis a bhirt. Bhí sé i ndiaidh taobhgheata an ghairdín a bhrú agus na maidí adhmad a tharraingt óna chéile, le scriúire b'fhéidir, sa chaoi is go raibh sé in ann an bolta a oscailt chun é a scaoileadh isteach. Níl a fhios in aon chor againn cé chomh fada is a bhí sé ann ach le solas na maidine bhí lorg a gcos soiléir i láib an phortaigh a bhíonn againn sa gheimhreadh mar fhaiche.

Ar deireadh, caithfidh gur chinn sé ar an iarracht a dhéanamh ar feiceáil dó go rabhamar go léir in aon seomra amháin agus nach n-aireadh muid éinne ag buaileadh isteach sa chistin. Bhí an mála úd ar úrlar an chistin gar go leor le chúldoras an tí, ach fós, bheadh air a bheith sciobthe, mar nach fearr sciobadh a bheith sciobthe? Leag sé lámh ar an ndoras agus biongó - ní raibh sé fé ghlas! Isteach leis agus amach leis in aon anáil amháin agus síos chun páirc spraoi na leanaí leis chun luach a shaothair a mheas. Is dócha nár chreid sé nuair a d'oscail sé an mála an taisce a bhí aige.

Tamaill beag níos déanaí agus an lánúin ag filleadh ar Phort Láirge dóibh a thosnaíomar ag cuardach an mhála. Ó bhun barr an tí ní raibh a rian de. Ceistiú agus diancheistiú ar na leanaí (ar m'iníon i ndáiríre, mar is fear bheagáin focail mo mhacsa, nach scaoileadh le rún fiú dá dtuigeadh sé cad ann é). An bhfaca siad an mála? Ní fhaca. Mura bhfaca, cad a rinneadar leis mar sin? Faic. Cá raibh an mála nuair nach raibh sibh ag déanamh aon rud leis mar sin? Bhí milseáin againn don té a aimsíonn an mála, mar dhea, ach b'shin an cleas ba chlistí a bhí againn agus níor ghéilleadar ná cuma air go ngéillfeadh. B'fhéidir nach raibh a fhios acu? Cá bhfuil an mála mar sin. An raibh éinne eile sa teach. Lámh leagtha ar an gcúldoras agus chonacamar nach raibh sé fé ghlas. Amach sa chúl linn agus an geata brúite tugtha fá ndeara againn. In ainm Chroim! Tá bastún éigin i ndiaidh gadaíocht a dhéanamh agus muid inár suí sa teach. Glaoch curtha ansin ar na Gardaí agus nuair a thangadar amach chugainn is ansin a chuireamar aithne don chéad uair ar chlú agus cáil an Chasaoidigh.

Tháinig a athair agus an clann iomlán chun baile am éigin sna luath nóchadaí, tamaill fada roimh theacht mo chlann féin chun cónaí ann agus cé go raibh fadhbanna ann sa tosach, ó shin i leith bhíodar ciúin go leor. An scéal a bhí ann ná gur mangaire drúgaí ó BhÁC an athair a bhí i ndiadh éirí as agus sásta a bheith ar scor cois trá, b'fhéidir chun éalú ón gcríoch a thagann dona leithéidí minic go leor. Chaith na Gardaí cúpla mí ag faire ar an dteach i ndiadh círéib bheag a tharla nuair a ionsaigh carr lán de stócaigh láidre an teach le bataí agus le brící ach i ndiaidh an eachtra sin, ní raibh aon deacrachtaí leo.

Faoin am seo ní rabhamar sa bhaile ach le seal bheag blianta agus ní raibh aithne againn ar na mionsonraí seo, ach in ndiaidh oíche na gadaíochta níorbh fhada dos na Gardaí muid a chur ar ár n-eolas. Bhíodar cinnte gurb é an Casaoideach Óg ba chúis leis agus é gan a bheith ach ag cónaí cúig nóiméad ón áit, ach ní raibh faic go bhféadfaí a dhéanamh faoi. Dár ndóigh d'inis na comharsain an chuid eile den scéal dúinn. In ainneoin an tseanleaid a bheith ar scor, bhí an Casaoideach Óg sáite go scórnach i Heroin. Caitheann sé sé mhí anseo, bliain ansiúd fé ghlas agus nuair atá sé saor, ritheann sé trín bhaile ag goid agus ag réabadh leis, go dtí go mbeirtear arís air agus ar ais arís sa charcair leis. Deirtear go mbíonn a fhios ag daoine cathain a mbíonn sé saor, mar go dtagann borradh (más shin an focal ceart) ar thionscadal gadaíochta an bhaile. Bíonn sé ós comhair na cúirte sa nuachtán áitiúil go rialta i measc na tiomáinithe ólta, tiomáinithe gan cháin, tiomáinith a rinne 102km/h ar an seachbhóthair agus gach mioncoirpeach agus oilghnímhí eile sa bhaile.

I ndáiríre is ar éigin go mbeadh fear amháin ábalta gach uile rud atá curtha ina leith a dhéanamh agus níl aon amhras go bhfuil céad nó dhó eile de juncaithe agus zombaithe ag crochadh timpeall an bhaile agus gach ceann acu réidh agus ullamh chun aon rud a dhéanamh chun a mianta doshásta a shásamh.

Inné chuala mé go raibh an Casaoideach i ndiaidh cuairt a thabhairt ar ár gcomharsan béaldorais. Chualamar an madra ag tafann ach bíonn sé ag tafann an t-am ar fad agus ní haon rud as áit é sin. Ar aon nós, bhuail na Gardaí isteach orainn aréir ár gceistiú faoin gcás. Ní raibh éinne sa teach inné agus rinneadh scrois cheart de sa chuardach agus b'fhéidir gur fhág an bastún rian éigin a chrochfas arís é, ach fiú mura fhaigheann siad an t-am seo é, ní fada go mbeidh sé sa nuachtán arís le scéal suarach seafóideach eile aige.

Tá a leithéidí de Larry Murphy, Bertie Ahern, An Casaoideach Óg, Seánie Fitzpatrick srl. inár measc ag scrios agus ag réabadh mar is mian leo. Dochar thar cuimse á dhéanamh acu mar níl ciall nó mearbhall acu ar an bhfuath agus sceon a chothaíonn siad i gcroíthe an phobail. Is dócha gur cuma leo. Tá na drúgaí, an tsaint, an máchaill intinne, máchaill morálta nó pé rud é i ndiaidh iad a dhallú. Tá na daoine seo briste. Thóg sé triocha bhliain nó níos mó iad a bhriseadh agus dár liom féin is obair na nglún cúrsaí a chur ina gceart leo agus lena leithéidí. Níos fada fós b'fhéidir, mura bhfuil comhaontas ann ar conas go mba chóir tús a chur fiú ar mheitheal ár leasa.

Ar deireadh níl sna daoine seo ach púcaí. Púcaí a chuireadh eagla ar pháistí tráth dá raibh, nuair a cheapadh gur maith an rud é páistí a smachtú le sceon, bagairt agus eagla. Ar nós Keyser Söze na gCoirpeach sa scannán cáiliúil. Dár ndóigh tá siad beagáinín níos scanrúil ná sin, mar go bhfuileadar inár measc, seachas inár scéalta. In ainneoin an scanradh seo áfach, caithfimid marachtáil leo, agus sin m'ábhair buairte inniu. Tá na bastúin seo inár measc. Caithfimid ár saolta, ár gceantair, ár mbailte a roinnt leo. Ach cad is féidir a dhéanamh ar a son? Cad is féidir a dhéanamh leo? Cad is féidir a dhéanamh fúthú?

Níl meas na muice agam orthusan a screadfadh "Crochtar iad agus caith uainn an t-eochar!" mar níl ansin ach freagra gan smaoineamh ar cheist nach féidir a réiteach gan é. Ach má aithním amaideacht an bhfreagra sin, nílim ag maíomh go bhfuil freagra níos fearr de mo chuid féin agam. N'fheadar an leor imeacht i bhfolach inár dtithe ag cuardach an Idirlín do cheamaraí ciorcaid dhúnta ag braith orthú muid a choiméad slán ó na púcaí?

Witches in the wood,
Trees soaked in blood,
Larry Murphy, Larry Murphy,
Up to no good.

Dár ndóigh is beag is fiú ceamaraí i gcoinne bréaga agus mailís Ahern agus Seánie.

* Dár ndóigh ní Casaoideach an fear úd in aon chor. Tá cearta fós aige, fiú má aithneodh éinne ó mo bhaile cé faoina bhfuil mé ag caint.

Ní leor an Tramadol.

2011-09-02T21:34:00.001+01:00

Táim i gruachás le cúpla lá anuas le pian uafásach i mo dhroim de bharr rud éigin a tharraingt agus mé ag rothaíocht. De bhrí gur fear mé, lean mé liom gan cuairt ar thabhairt ar dochtúir go dtí go raibh deacrachtaí agam le siúl fiú.

I ndeireadh na dála dúradh liom fanacht sa leaba ar feadh na deireadh seachtaine agus tugadh Tramdol dom. Caithfidh mé a admháil go bhfuilim beagáinín 'ar mesice' leis ach ní leor é chun ainnis an chluiche 'peile' idir Éire agus Slovakia a fhulaingt. OMD tá Éire náireach. An é go gceapann siad gur le Dún na nGall atáid ag imirt?

Ar ais arís.

2011-09-02T15:59:00.000+01:00

Ní hé gur stad mé ag blagadóireacht, ach lá amháin thug mé fá ndeara nach raibh aon rud scríofa agam le seachtain nó dhó. Lá eile thug mé fá ndeara nach raibh aon rud scríofa agam le mí nó dhó. I ndiaidh bearna mar sin, shíl mé gur b'fhearr rud éigin ciallmhar nó cliste a bheith le rá agam sular thosaigh mé arís. Ach níl fós, in ainneoin an aiséirí seo. Feicfimid amach anseo an leanfaidh mé leis ar chor ar bith ach ar a laghad caithfidh mé lá nó dhó ag léamh na blaganna ar a rinne mé staonadh orthu ar feadh an tsamhraidh. Is dócha go mbeidh dóthain ábhair spreagadh iontu chun mé a tharraingt isteach arís i gcomhluadar na nGael ar an nGréasán.

Mise Éire.

2011-04-25T11:11:00.000+01:00

Mise Éire:
Sine mé ná an Chailleach Bhéarra.

Mór mo ghlóir:
Mé a rug Cú Chulainn cróga.

Mór mo náir:
Mo chlann féin a dhíol a máthair.

Mise Éire:
Uaigní mé ná an Chailleach Bhéarra.

Pádraic Mac Piarais.

Fear lasta lampaí.

2011-04-17T11:44:00.000+01:00

Táim fós i mbun ullmhú do scrúdaithe agus iarracht á dhéanamh agam dul i ngleic le fhilíocht Ghaeilge na linne seo. Tá sé náireach dom a thuiscint an méid a bhfuil dearmadta agam ina leith le blianta fada anois agus níl sé chomh éasca teacht aniar air arís, gan na leabhair scoile agus múinteoirí cróga a bhíodh agam mar ghríosadh chun oibre.

Ar aon nós, táim im' aonair anois, gan ach an idirlíon iomlán mar chuidiú dom.

'Séard atá mé ag iarraidh a dhéanamh ná cleachtadh a dhéanamh ar dánta ainfheicthe a mheas. Dé ghnáth bíonn na dánta seo réasúnta simplí (páistiúil fiú) mar is dócha go mbeadh sé beagaínín crua 'Cúirt an Mhean Oíche' a chaitheamh amach ar na mac léinn bochta, gan coinne acu leis.

Mar chleachtadh mar sin, seo an dán a chonaic mé ar maidin agus faoina bhun an míniú atá agam air. Cad a cheapann sibh - an bhfuil ciall ar bith lena bhfaca mé ann? Nó an bhfuil mé ag cuardú brí nach bhfuil ann?

Fear Lasta Lampaí

Ní raibh sé mór an fear,
Níor dheas a bhí ach gránna
Is cóip an bhaile mhóir,
Ag fonóid faoi gan náire.
Ach ghluais gan mhairg fós
Is ar chuallí chuaigh in airde.
Ba dhraíodóir an fear beag,
A raibh solas ina ghlaic,
É ag tabhairt na gile leis,
Ó lampa go lampa sráide.

le Máirtín Ó Díreáin.

'Séard atá sa dán sei ná plé ar ról an fhile san sochaí. Is dóha gur siombal dó féin and fear lasta lampa.

Ní raibh sé mór an fear,
Níor dheas a bhí ach gránna.

Tá a fhios againn gurb fhathach d'fhear an Díreánaigh agus is féidir a ghlacadh nach bhfuil sna líntee seo ach cur i gcéill, nó soieft fileata, chun ábhar an dáin a cheilt orainn, sa tús ar aon nós.

Feictear ansin slua an bhaile mhóir, scata mhór páistí neamhthuisceannacha ag magadh faoin bhfile bocht agus é i mbun a chéirde agus is dócha go seasann an slua seo don phobail i gcoitinne, nach bhfuil meas acu ar an fhiliíocht nó ar na healaíonta eile.

D'ainneoin an magadh maslach, leanann and fear lasta lampaí leis "gan mhairg" agus is ansin a nochtaítear an mheas atá ag an bhfile dó

Ba dhraíodóir an fear beag,
A raibh solas ina ghlaic,

Dár ndóigh is ghách don solas a úsáid mar siombal don eolas nó don léann agus léirítear tábhacht obair an fhile trí é a chur i gcomparáid le scaipeadh solais. D'fhéadfá a rá freisin gurb é cúis rí rá an tslua ná go dtuigtear dóibh go bhfuil draíocht ag baint le hobair an fhir, cé nach dtuigeann siad an obair féin agus nach téama uilíoch é seo i measc na n-ealaíontóirí?

Laoch ár Linne.

2011-04-12T21:46:00.001+01:00

An céad chéim leathchéad ó shin.

Ár nÓige.

2011-03-26T17:09:00.000Z

Tá mé i mbun ullmhúcháin do scrúdaithe fé láthair, ualach nár iompraíos le seacht mbliana déag nó mar sin anuas agus caithfidh mé a admháil nach éasca an rud a leithéid a dhéanamh nuair atá taithí chuige caillte. Cabhraíonn sé áfach, go bhfuil suim éigin in ábhair na scrúdaithe agam, rud nach raibh i gcónaí fíor agus mé ar scoil agus nach mbíonn fíor fós do dhaltaí an lae inniu, is dócha.

Áis iontach an idirlíon dár ndóigh chun taighde a dhéanamh agus tuairimíocht a léamh agus a phlé ach tá cathú ann freisin na uaireanta a mheilt ag scimeáil ó shuíomh go suíomh díreach mar atá déanta inniu agam. Aoibhinn beatha an scoláire ach ní nuair atá scrúdaithe ag bagairt.

Filíocht an Díreánaigh atá faoi chaibidil inniu agam agus seo an dán is fearr liom uaidh. Tá sé fós de ghlan mheabhair agam ó léas i dtús é, don Ardteist is dócha, cé nach cuimhin liom cathain ar fhoghlaim mé é.

Má deirid leat do chairde gur siolla den ghaoth trí fhál,
An siolla a chloisir de ghnáth ar bhóthair Bhaile an Cláir,
Nó lámh le Rathún na gCnámh,
Ná géill feasta dá ráite, 'sí ár nÓige í go dearfa,
Ag éamh ar fud na háite.

Cad a cheapann sibh? Cad iad téamaí, siombail, íomhánna agus meafair an rainn seo? An é go bhfuil mé ag crowdsourceáil freagraí samplacha de cheisteanna scrúdaithe? Cinnte dearfa sin atá ar siúl agam!

Lá saoire?

2011-03-18T16:17:00.000Z

Tá mé sa bhaile le m'iníon is óige inniu. Tá na stumpaí leanaí eile ar scoil cé go raibh lá saoire le bheith acu ach tá a scoileanna ag iarraidh laethanta a cailleadh de bharr an sneachta a fháilt ar ais. Ar aon nós, tá mé in ainm is a bheith ag staidéar ach níl faic ar siúl agam seachas túíteáil, blogáil agus surfáil.

Dár ndóigh caithfidh mé gach mian an pháiste a fhreastal chomh maith.

Is ait iad mianta mo pháiste.

An Pharáid. Náire nó Gáire?

2011-03-18T11:38:00.001Z

Seo roinnt pictiúir a thógas inné ag an bParáid sa bhaile s'againnse.

Sean charr.

Carr níos sine arís.

Cad é sin go díreach? Seo íomhá eile de.

Níl sé soiléir cén baint atá aige le Lá 'le Pádraig áfach.

Cumann drámaíochta ag fógraíocht seó nua atá acu.

Sean lorraí.

Sean lorraí eile.

Sean tarracóir.

Nua-tarracóir.

Lucht na dTarracóiri.

An léiriú is mí-oiriúnaí dá bhfaca mé riamh.

Beagáinín aisteach mar sin féin. N'fheadar cad a cheap lucht leanta FF faoin gceann seo? Tá a leithéidí fós san bhaile seo.

Ineall tochailt? Cad sa tSioc?

Fearr gléasta mar phionta mór Guinness, nó Beamish b'fhéidir.

Ceann eile mí-oiriúnach. Limo ollmhór bán dearg le chomhatha an stríopachais air. Agus cailín óg ann. Tá an cuma air go bhfuil mé i mo chónaí ar Craggy Island.

Fukushima

2011-03-16T22:10:00.000Z

Tá sé deacair a chuimhniú anois ar conas a d'fhoghlaim muid faoi thubhaist Chernobyl tráth dá raibh, ach dár ndóigh ní raibh na áiseanna chéanna againn i dtaobh na meáin agus cinnte ní raibh an réimse céanna d'fhoinsí againn chun cabhrú linn dul i ngleic leis an ngéarchéim.

Tá an íomhá thíos scanrúil amach is amach. Ar dheis tá imoibreoir #1, an chéad ceann a phléasc agus a chur an focal ait 'fukushima' i mbéal an domhain cúpla lá ó shin. Tá imoibreoir #3 scriosta go talún ach ní nach ionadh i ndiaidh an fhíseán a chraoladh ar fud na cruinne ag léiriú and dara pléascadh. Féach ar imoibreoir #4 in aice leis!


Fukushima Dai-chi. Íomhá ó Digital Globe www.digitalglobe.com

Dár le tuairiscí, ní raibh an t-imoibreoir seo in úsáid fiú nuair a tháinig an tonn agus de réir dealramh is é an easpa cumhacht chun an breosla 'caite' a fhuarú is cúis leis an scrios a rinneadh air. Tarlaíonn sé go gcoimeádtar breosla caite sna bhfoirgnimh chéanna leis na mblianta agus cé nach bhfuil maitheas iontu a thuilleadh mar bhreosla don imoibreoir féin, caitheann siad amach fuinneamh gan stad ar feadh na mblianta agus muna ndéantar rud éigin chun an farrasbar teasa seo a fhuarú ...

Tá sé ró-luath fós a rá cé chomh dona is atá an tubaist seo. Tá na hudaráis sa tSeapáin ag rá nach gá a bheith buartha ach tá rialtais na Fraince i ndiaidh comhairle a eisiúnt dá saoránaigh an tír a fhágáil. Tá rialtas Mheiriceá ag rá nár chóir fanacht i gcongaireacht 80km don áit agus dár le rialtas Shasana ní chóir fanacht ó thuaidh de Tokyo ar chor ar bith. Cad faoi muintir na Seapáine bochta atá arís thíos le mhíúsáid eolaíochta núicléiche? Cá dteithfidh siad?

Is dócha gurb é seo buile marfach na muice ar fheachtas Ed Walsh agus a chomhghleacaithe chun go mbainfimid triail as an gcóras amaideach seo uisce a fhiuchadh. Más fíor nach féidir forbairt a dhéanamh ar shochaí chaipitileach gan ghinniúint núicléach, caithfimid ceistiú a dhéanamh ansin ar fhiúntas na 'forbartha' seo. An fiú an baol?

Ní bréag go bolscaireacht.

2011-03-11T23:49:00.000Z

Caithfidh mé a admháil nach gcorraíonn ceol Bruce Springsteen me in aon chor - n'fheadar an bhfuil mé ró-óg a bheith tógtha leis? Fós féin ní fhéadfainn a shéanadh go bhfuil tionchar mhór aige ar chultúr ár linne agus aithnítear a cheol ar fud na háite. Anocht agus mé ag leanúint an t-uafás sa tSeapáin, bhíos ag breathnú ar na cainéil 'nuachta' atá á seoladh ag Sky chugainn ar €30 in aghaidh na míosa, chuimhnigh mé ar an t-amhrán seo.

Ní minic a bhreathnaím ar na cainéil sin ach nuair a bhíonn tarlúint mór mar a bhí againn inniu bíonn sé suimiúil súil a chaitheamh mór thimpeall na cruinne chun an scéal a fheiceáil mar a thuigtear do rialtais an domhain é. Inniu dár ndóigh bhíodar don mórchuid ar aon ghuth. Tubaist uafásach ar mhuintir bochta na Seapáine agus gan milleán ar bith le dáileadh ar éinne seachas b'fhéidir Allah nó Dia nó ...

Má bhreathnaíonn tú ar na cainéil seo de ghnáth ní fheicfear ach bolscaireacht bacach ó leithéidí Press TV ón Iaráin, CCTV ón tSín, FOX ó SAM, Sky ó Shasana, France 24 ón Fhrainc, NDTV ón Ind agus an ceann is fearr liom féin, RT ón Rúis. Bíonn an 'nuacht' seo chomh trédhearcach aon-taobhach go gcuireadh sé ag gáire thú. De ghnáth bhíonn an 'claonadh' atá acu ar an scéal chomh soiléir sin is go gcaithfear a ceistiú cé go díreach a cheapann siad atá an dalla mullóg á chur acu orthu?

Ag smaoineamh ar cainéil eile ar nós Bloomberg nó MSNBC nach bhfuil rialtais ina mbun, tá claonadh chomh maith le sonrú iontu - táid i bhfábhar an chaipitileachais agus nua-liobrálachas agus níl tú chun éinne a shéanann an mím sin a fheiceáil orthu riamh. Cad faoi Al jazeera mar sin? Cad é an scéal leo? Dár leis na Meiriceánaigh is ionann Al Jazeera agus Al Qaeda ach ní dóigh liom go bhfuil sé sin fíor. Cé nach bhfuil sé soiléir domsa cé ar leo an scéal atá á insint acu - ní mór a bheith fiosrach faireach ar eagla go slogfaí siar scéal nó leath-scéal nó leithscéal lag éigin i ngan fhios.

Amantaí is féidir fírinne scéil a thuar trí dhá taobh a chlosint. Má cheapann FOX go bhfuil an dubh ina bhán, gach seans go gceapann Press TV go bhfuil an bán ina dhubh agus is féidir a bheith cinnte ansin de go bhfuil an fhírinne liath tríd is tríd.

Ach ag magadh faoi iarrachtaí aisteach na n-eachtrannach an dalla mullóg a chur orainn smaoinimis ar ár gcláir 'nuachta' féin. Nach bhfuil RTÉ gach pioc chomh claonta le BBC agus FOX agus Press TV agus an t-aon fáth go ndeántar dearmad ar sin ná go bhfuil sé imithe i bhfeidhm orainn ionas nach ndéantar é a cheistiú leath chomh minic agus ba chóir?

Ach inniu is dócha go bhfuil an fhírinne chomh soiléir sin do chách agus nach bhfuil (fós) buntaiste le baint ag éinne ón dtragóid gur féidir a bhraith orthu uile a chlaí leis an nuacht lom. An rud is annamh is iontach.

Púca Tí?

2011-03-08T16:45:00.001Z

Cad sa tSioc? Sin a cheapas an chéad uair a chonaic mé atá sa phictiúr thíos.

Deacair a thuiscint cad a bhí ar siúl ach ní raibh éinne eile ann ag an t-am seachas an madra agus ní raibh sí chun scéal a insint dom, maith nó olc. Chuireas an seastán ar ais ina áit ar an gcúntar agus chuireas páipéar nua ann. Níor smaoinigh mé arís air go dtí gur tharla sé arís cúpla lá ina dhiaidh sin. An uair seo, ní raibh an seastán follamh ach bhí páipéar fós ann. D'iarr mé 'uirthi féin' an ndearna sí é, ach ní dhearna, nó má rinne, níl sí á admháil. Mistéir cheart.

Tá sé i ndiaidh a tharlú arís díreach anois agus arís níl aon páipéar chistin ann. Cad a cheapann sibh? An bhfuil púca sa teach againn?

Tá an phobail i ndiaidh labhairt ... na bastaird!

2011-03-05T21:17:00.000Z

Sin deireadh na toghchanaíochta ar feadh cúpla mí ar a laghad. Beidh an rialtas nua slán go dtí go dtagann an teipeadh tubaisteacht atá i ndán dúinn amach anseo agus ansin scriosfar na sean-pháirtithe uile, nó iadsan a ghlacann ról san fheall atá á déanamh ar mhuintir na hÉireann faoi láthair.

Ach sula bhogaimid ar aghaidh, caithimis súil siar ar a tharla an tseachtain seo caite. An rud is aistigh a tharla anseo i gCill Mhantáin i rith agus i ndiaidh an comhaireamh fadálach sna Clocha Liath ná nuair a d'íbríodh an Rósiteach ón iomaíocht - bhí gáir áthais agus bualadh bos le chloisint sa halla. Do sheinn an stáisiúin áitiúil an giota sin arís agus arís eile agus murach an fuath dearg atá agam do bhodach úd, bheadh trua agam dó agus an masla a léiríodh dó. Dár ndóigh i ndiadh a dhíbirt d'iarr sé ar athchomhaireamh, rud nár shuí ró-mhaith le héinne sa halla. Seo a dúradh faoi:

If Dick didn't like the cheers that greeted his elimination, wait till he hears what happens the second time he's eliminated.

Agus sin go díreach mar a thit cúrsaí amach. Seo físeán* den olagán nuair a d'íbríodh don dara uair é.

ASG.

Is trua nach raibh an Róisteach ann áfach chun go bhfeiceadh sé an meas atá ag muintir Chill Mhantáin air, ach níorbh é an Róisteach amháin a raibh díomá air áfach - cháin dhá iarrathóir eile an phobail go géar.

Dár le Tom Fortune ón LO, bhí an milleán go hiomlán ar mhuintir a cheantair dhúchais féin nár thug an tacaíocht a bhí ag dul dó, in ainneoin gach rud a bhí déanta aige dóibh. Cé mhéad adhlacthaí atá an creatúr bocht seo i ndiaidh a bheith i láthair acu, cuid acu do dhaoine nach raibh fiú aithne aige orthu? Na meirligh míbhuíoch marbha!

Bhí gearán eile ag Gerry Kinsella ó Fís Nua. Dár leis níl macántacht ag muintir Chill Mhantáin, go háirithe in iarthar an chontae, mar gur dúradh leis arís 's arís eile go raibh siad chun vótaí a thabhairt dó, ach sa deireadh ní bhfuair sé ach 20 uathu. Ní bheidh sé sásta iarracht a dhéanamh arís de bharr na bodaigh na mbréag a chur i gcéill go raibh siad chun vóta a thabhairt dó ach nach ndearna.

Tá dearca an bheirt seo aisteach, ach go háirithe Tomás an Áidh, mar tá gach cosúlacht air go bhfuil sé ar intinn aige leanúint leis ag tiomáint bóithre uaigneacha an chontae ina Mherc ollmhór i mbun oibre Sheamais Uí Chongaile a shíl gurb é cúis na hÉireann cúis an lucht oibre agus cúis an lucht oibre cúis na hÉireann. Cad is cúis le Tomás an mhí-áidh agus a locht oibre mar sin?

Toghchán díomach mar sin i gCill Mhantáin agus is léir go mbeidh ar an phobail iarracht níos fearr a dhéanamh amach anseo má táimid ag iarraidh go mbeadh leithéidí Tom, Dick & Gerry sásta a n-ainmneacha a chur ós ár gcomhair.

Chuir Aonghus Brecht i gcuimhne dúinn le déanaí.

*Físeán tógtha ag Eamon Harbison: https://www.facebook.com/video/video.php?v=10150113856233205

Lá na cinniúna.

2011-02-25T23:52:00.001Z

Amárach an lá mar sin.

Tá na léinte gorma chun an fód a sheasamh arís i gcoinne an tsean-namhad. Tá gach cosúlacht go mbeirfidh siad an bua ach is minic roimhe seo gur theip orthu fiú nuair a cheap an saol mór go raibh leo. Feicfimid amárach an bhfuileadar ar deireadh réidh chun ualach an bua a iompar le dínit agus dúthracht. Mar dhuine atá i ndiaidh iad a leanúint leis na blianta anois, táim amhrasach fós go mbeidh meangadh orthu tráthnóna amárach ach feicfimid.

Feicfimid.

Anocht is féidir fós a bheith dóchasach, dóchasach fiú in aghaidh taithí crúalach na mblianta. Dóchasach go bhfuil fáinne geal an lae romhainn amach, dóchasach go dtiocfaidh samhradh agus go bhfásfaidh féar, go dtiocfaidh duilliúir ar bharr na gcraobh.

Feicfimid.

Léinte Gorma Abú!

Áth Cliath Abú!

Daonlathas soghluaiste.

2011-02-25T13:23:00.000Z

Sula dtógann sibh an bád bán, bain triail as an t-eitleán bán.

Tóg seasamh i gcoinne eisimirce.

2011-02-24T15:15:00.003Z

Ar ais arís!

2011-02-24T14:12:00.000Z

Ar tharla aon rud suimiúil fad 's a bhíos i bhfolach?

Go mbeirimid beo an t-am seo arís.

2010-12-31T21:11:00.001Z

Faic eile le rá. Sin a bhfuil.

An lá i ndiaidh amáraigh!

2010-12-21T12:16:00.001Z

Nuair a d'éiríomar ar maidin bhi dath aisteach oráiste ón bhfuinneog agus nuair a tharrangamar na cuirtíní bhí ionadh orainn síobadh dochreidte sneachta ag séideadh ar nós radharc ón scannán thuasthagartha a fhesicint. Níl a leithéid feicthe agam riamh cé go bhfuil sé stoptha anois, tá os cionn 20cm de shneachta againn anois.

Chaith mé an maidin ós comhair an tí ag glanadh an cosán agus an céide ionas gur féidir linn carr a bhogadh más gá. Tá caranna ag sleamhnú ar fud na háite agus thógamar ár gcarr féin isteach ón mbóthar ar eagla na heagla, mar táimid i ndiaidh dhá timpist a fheiscint cheanna féin agus caranna ag iarradh tiomáint aníos an chnoc.

Cé chomh mór is a bhí na calóga shneachta?

Chomh mór le chispheil.

Dár ndóigh tá na scoileanna go léir dúnta arís, ach fuaireamar téacs ón meanscoil le URL chuig an suíomh idirlíne le obair bhaile ann dos na daltaí. Thaispeáin mé an téacs do m'iníon agus seo a dhúirt sí:

Obair bhaile? The fuckers!

ASG!

Éirigh suas a theachta agus seas i gcóir an Dáil ...

2010-12-20T18:23:00.001Z

... comhairigh do chuid vótaí agus féach a' bhfuil siad ann.

Mar is eol daoibh, sheol mé ceisteanna chuig polaiteoirí áitiúla ar cheap mé go mbeadh siad in iomaíocht san toghchán atá romhainn. Tá seachtain shleamhain sleamhnaithe tharainn anois agus is ábhar díomá dom nach bhfuil ach freagra amháin faighte agam.

'Siad éirígí an t-aon slua a bhfuil i ndiaidh freagra a thabhairt dom ach 'séard a bhí le rá acu ná nach mbeidh siad san iomaíocht in aon chor san toghchán amach anseo, cé go bhfuileadar sásta na geallúint a thabhairt mar a leag mé amach iad dóibh.

Tá'n Nollaig ag bualadh isteach orainn anois agus beidh sí linn ar feadh seachtain nó dhó ar a laghad agus is beag baol go gheobhaidh mé freagra ar bith eile go roimh fáinne geal na hathbhliana.

Mar a sheasann cúrsaí mar sin, 'siad éirígí an t-aon páirtí go bhféadfainn tacaíocht a thabhairt dóibh san toghchán, ach ní bheidh siad san iomaíocht ar lá na vótaí!

Ta'n daonlathas seo casta, nach bhfuil?

Crann Nollag Nua.

2010-12-14T22:18:00.001Z

Cheannaíomar an crann nollag aréir, seachtain nó mar sin níos déanaí ná mar is gnáth dúinn, de bharr an sneachta sleamhain is dócha. Nuair a d'fhilleamar abhaile inniu i ndiaidh na scoláirí go léir a bhailiú bhí boladh agus cumhracht an chrainn ag fearradh fáilte is fiche romhainn.

Is aoibhinn liom an Nollaig.

Cad a dhéanfadh mac an chait ... srl

2010-12-07T12:58:00.003Z

An bhfaca éinne frontline aréir? Léiriú náireach ar an smacht atá ag an uasaicme ar RTÉ agus ar an tír i gcoitinne a bhí ann. Bhí aire FF, tráchtaire ón IT (léine gorm), iar-theachta FF agus léachtóir polaitíochta ó DCU. Ní raibh mé ag súil le mórán ó Martin, Carey nó Behan ach baineadh geit asam nuair a mhaígh an t-ollamh úd go raibh gá againn le Fhianna Fáil agus go mbeadh muid thíos leis dá ndéanfaí aon dochar don córas dhá-páirtí-go-leith atá againn. Bhíos ar fiuchadh feirge ag breathnú air agus táim fós. Cheapfá b'fhéidir go raibh an t-ollamh in ainm 's a bheith údarásach agus neamhspleách faoin cheist, ach ní fhéadfadh sé a bheith níos aontaobhaí ina dtuairimí dá dtosnódh sé ag gol

For god's sake, don't bursht de party.

Is dócha nach mbeadh sé cothrom FG a chrochadh ar bhonn a dúirt an Chéireach, nó an LO ach oiread, bíodh 's nach rabhadar ann in aon chor, ach ní fhéadfá a bheith dóchasach faoin todhchaí ag breathnú ar an mbolscaireacht suarach seo.

Tá na litreacha réidh agam agus níl le déanamh anois ach seoladh ríomhphoist a aimsiú dos na iarrathóirí anseo i mo dháilcheantair féin.

Seo dhaoibh a bhfuil ar intinn agam seoladh.

A Chara,

Anois 's atáimd ar tí toghcháin táim ag iarradh do  thuairimí i leith conas caiteachas an stáit a laghdú ar shlí cóir agus  cothrom.  Tá mé ag seoladh na ceisteanna chéanna do gach iarrathóir atá suíochán á lorg acu i gCill Mhantáin agus tá sé ar intinn  agam na freagraí a fhaighim a roinnt go phoiblí ar mhaithe na follasachta.

Tá trí bun-pholasaithe ar mhaith liom iad a fheiscint mar  pholasaithe aon Teachta Dála nó páirtí ar a mbronnfaidh mé tacaíocht.   Ní féidir liom ar mo choinsias vóta a thabhairt d'aon iarrathóir nach  n-aontaíonn leis na polasaithe seo, nó nach bhfuil in ann polasaithe  níos fearr a nochtú dom.  Tá mé ag scríobh chuig chuile iarrathóir i mo  dháilcheantar féin chun a dtuairimí futhu a lorg.

I) Deireadh le faoiseamh cánach ar phinsin príobháideacha.   Mheas Tuairisc an Choimisiúin um Cáineachas (2009) (Cuid 8, Roinn 14.1)  go bhfuil idir €2bn agus €3bn á thabhairt ag an stáit mar fhaoiseamh  cánach ar airgead a chuirtear ar leataobh do phinsin príobháideacha gach  bliain.  Nuair a chuirtear san áireamh nach bhfuil pinsean  príobháideach ach ag 50% nó mar sin do oibrithe na tíre, agus ag glacadh  leis gurb iad an 50% is saibhre don mórchuid atá i gceist anseo, ní  féidir a thuilleadh a bheith ag gearradh cánacha ar chuile dhuine chun  an buntáiste seo a bhronnadh ar an leath is saibhre den phobail.

Nílim sásta vóta a thabhairt d'aon iarrathóir nach ngeallann an  faoiseamh cánach seo a stopadh go hiomlán.  An bhfuil tú sásta an  gheallúint seo a thabhairt?

II) Tá an rialtas i  ndiaidh teacht ar réiteach leis an IMF agus an AE chun bainc na hEorpa a  shábháil agus is saoránaigh na hÉireann a bhéas thíos leis.  Táim den  tuairim go bhfuil rialtas na hÉireann fé ghabháil ag na bainc agus slua  suarach an rachmais anois agus is soiléir go rabhadar ó thús na  géarchéime i leith.  Ar aon bhonn morálta, níl féidir iallach a chur ar  shaoránaigh na tíre na bannaí seo a aisíocadh.  Bhí a fhios dár liom ag  lucht cheannaithe na mbannaí seo go raibh an tír faoi smacht ag  comhcheilg coiriúil ón am sin i leith agus ghearradar rátaí úis dá réir.   Bhí a fhios chomh maith acu go raibh amhras ann faoin ndóchúlacht go  n-aisíocfaí na bannaí.  Mo thrua leo, ach tá lá an chinniúna tagtha,  agus níl sé ar chumas saoránaigh na tíre na fiacha seo a íoc. 

Nílim sásta vóta a thabhairt d'aon iarrathóir nach ngeallann  faillí a dhéanamh ar aon bhanna a eisíodh i ndiaidh Deireadh Fómhair  2008.  An bhfuil tú sásta an gheallúint seo a thabhairt? 

III) Tá sé soiléir anois go bhfuil an aicme polaitíochta agus  uasaicme an státséirbhís atá ciontach as an ngéarchéim ina bhfuilimid,  fós ar mhuin na muice ag glacadh tuarastail agus pinsin ollmhóra nach  bhfuil sé ar chumas na tíre íoc astu a thuilleadh.    Táim den tuairim  gur mba chóir uasthuarastal a chur i bhfeidhm fad is atá an tír i  bpráínn de €100k. 'Sé sin, ní chóir go mbeadh aon duine fostaithe ag an  Stáit nó faoin chonradh ag aon riain den stáit ag tuilleamh níos mó ná  €100k in aghaidh na bliana.  Níl an t-airgead ann chun pingin níos mó a  íoc d'éinne.  Ar an dóigh chéanna, ba chóir dár liom uasphinsean a  chuir i bhfeidhm chomh maith.  Ní chóir go mbeadh an stáit ag íoc  pinsean níos mó ná €50k d'éinne. 

Nílim sásta vóta a thabhairt d'aon iarrathóir nach ngeallann uasthuarastal €100k agus uasphinsean de €50k a chur i bhfeidhm fad is a mhaireann an ghéarchéim.   An bhfuil tú sásta an gheallúint seo a thabhairt? 

Go raibh maith agat as ucht an t-am a thóg sé ort an méid seo a  léamh.  Tuigim go maith go mbeidh tú gnóthach amach anseo i mbun  feachtais toghchánaíochta ach tá súil agam go bhfaigheann tú leathuair  nó mar sin chun mo cheisteanna a fhreagairt. 

Is mise le meas ... srl

Níl ach bréigín bheag amháin ann - níl sé ar intinn agam an litir a sheoladh chuig iarrathóirí Fhianna Fáil nó na Glasraí. Tá a bhfreagraí againn cheanna féin.

Fáilte roimh bhur dtuairimí sula seolaim an méid seo.

Oíche amháin eile.

2010-12-06T22:19:00.000Z

Seo a bhí romham ar maidin:

Tá oíche amháin eile sneachta i ndán dúinn anocht agus ansin tiocfaidh an leá mór. Le teocht mar seo is cinnte go bhfanfaidh pé sneachta a thiteann anocht agus beidh na bóithre ar nós gloine ar maidin.

Fáilte don éan is binne ar chraoibh ...

2010-12-06T10:31:00.001Z

Chuir post le Grá faoi Ghruaim ag smaoineamh mé faoin twitter agus táim i ndiaidh cúntas a oscailt. Tugaim fá ndeara nach bhfuil Gaeilge acu mar cheann de na teangacha 'inmholta', más shin an focal ceart. Fós féin, tá mo chéad túít foilsithe agam agus dhá leantóir cheanna féin ar mo thóir - cailíní óga is cosúil nach gcuireann an Ghaeilge as dóibh is dócha.

Anois beidh mé in ann an blag a úsáid chun trácht ar mo thúíteáil agus an túíteáil chun trácht ar an mblagadóireacht. Milis!

Toghchán ar deireadh ... ar lean.

2010-12-01T00:42:00.010Z

Tá'n scéal ag athrú go laethúil anois. Tá Uí hAnluain agus an Dermotologist i ndiaidh fógairt go bhfuileadar tinn tuirseach de chreachadh na tíre agus táid ag iarradh tuilleadh am a chaitheamh lena bpinsin. Mo sheacht mhallacht orthu. Ní dóigh liom go ndéanann an nuacht seo difir ar bith dos na torthaí atá tuartha agam don toghchán áfach. Mar a gheall mé seo mar a thitfidh cúrsaí amach sa phríomhchathair agus sa fíorphríomhchathair.

Corcaigh Thoir. Is féidir gurb iad an LO a bhaineas an dara suíochán ó FF anseo ach táim ag ceapadh go mbeidh FG níos láidre. Bhí ráflaí ann go raibh sé ar intinn Dhónail Óig a ainm a chur san iomaíocht ar son SF, ach tá an cuma air nach fíor sin. Dá mbeadh is dócha go mbeadh an suíochán faoi sheilbh SF. Tuar: FF-1(-1) FG-2(+1) LO-1.

Corcaigh Thuaidh-Láir. Cheapas roimhe seo go mbeadh suíochán amháin ag FF anseo ach mura bhfaigheann siad níos mó ná 15% den vóta, roinnte idir beirt, ní fheicim gur féidir leo ceann amháin fiú a choimeád. Ba cheart do dhuine acu an páirc a fhágáil slán don duine eile ach ní dóigh liom go ndéanfaidh agus caillfidh an beirt acu. Níl aon slí gur féidir a thuar cé a bhaineas an suíochán áfach. D'fhéadfadh éinne ón LO, ULA nó SF é a bhaint ag braith ar ord a dhíbirt. Fágfaidh mé i gcolún GF é. Tuar: FG-2(+1) LO-1 GF-1(+1)

Corcaigh Thiar Thuaidh. Tá vóta dochreidte ag FF anseo ach má chailleann siad tacaíocht mar a chaill i nDún na nGall, tá'n cuma air go dtitfidh siad siar go 20% nó mar sin, rud a chiallaíonn go bhfuil suíochán amháin caillte. Cad a dhéanfaidh an dhá TD atá acu? Tuar: FF-1(-1) FG-2(+1).

Corcaigh Theas-Láir. Maraon lena gcomharsan trasnsa na habhann tá dara suíochán Fhianna Fáil imithe anseo. Ach tá sé dodhéanta a thuar cé a bhaineas é. Tuar: FF-1(-1) FG-2 LO-1 GF-1(+1).

Corcaigh Thiar Theas. Mar atá. Bhí an t-ádh dearg le FG dhá suíochán a bhaint anseo i 2007 ach beidh siad slán anois. Má tá ciall ar bith ag FF ní cuirfidh siad ach iarrathóir amháin chun páirce anseo, rud a choimeádfaidh an suíochán dóibh. Tuar: FF-1 FG-2.

Dún Laoghaire. Caillfidh an rialtas trí suíochán anseo. Ba chóir go mbeadh suíochán ann do FF ach beidh a vóta roinnte idir Andrews agus Hanafin rud a fhágas bearna óna thiocfaidh an dara Léine Gorm. Tá lá RBB agus an SWP ar tí teacht! Tuar: FG-2(+1) LO-1 ULA-1(+1).

Áth Cliath Thiar. Athghabháil suíochán ar son na réabhlóide anseo, mar níl slí dá laghad nach bhfillfidh Joe Higgins chuig Teach Laighin. Tuar: FF-1 FG-1 LO-1 ULA-1(+1).

Áth Cliath Iarthar-Láir. Tá trí suíochán as ceathar ag an rialtas anseo ach tá sé cinnte go gcaillfidh Gogarty agus Harney anseo cé go gceapaim go gcoimeádfaidh Curran a áit (ar éigin). Beidh SF agus an ULA san iomaíocht don suíochán deireannach chomh maith, ach ar deireadh ceapaim go mbainfidh FG suíochán Harney agus an LO suíochán Gogarty. Tuar: FF-1 FG-1(+1) LO-2

Ath Cliath Theas. Bua mór eile i ndán don LO anseo. Tá praiseach cheart déanta ag FG den dáilcheantar seo agus suíochán George Lee caillte acu. Murach sin bheadh triúir insuite acu anois agus seans maith acu iad a choimeád. Má chuireann FF beirt san iomaíocht tá contúirt go gcaillfidh siad dhá suíochán. Tuar: FF-1 FG-2 LO-2(+2).

Áth Cliath Thiar Theas. Ceann eile anseo do SF agus seans go gcaillfidh FF dhá chinn má chuireann siad beirt san iomaíocht. Is dócha nach gcuirfidh áfach agus beidh Crazy Horse slán, cé nach bhfuil sé tuillte aige. Tuar: FF-1(-1) FG-1 LO-1 SF-1(+1).

Áth Cliath Thiar Thuaidh. Bainfidh Dessie Ellis ceann anseo agus caithfidh ceann de theachtaí Fhianna Fáil an fód a fhágaint nó caillfidh an beirt acu. Tuar: FF-1(-1) LO-1 SF-1(+1).

Áth Cliath Thoir Theas. Tá suíochán amháin cinnte do LO & FG agus cé go mbeidh titim ollmhór ar an vóta, ceapaim go mbeirfidh FF bua ar an lá, má fágann siad Andrews leis féin. D'fhéadfadh an suíochán deireannach imeacht aon áit, dár liom. Tuar: FF-1 FG-1 LO-1 GF-1(+1).

Áth Cliath Lár Theas. Bainfidh Eric Byrne ceann ó FF ach arís caithfidh ceann de theachtaí FF éirí as chun an ceann eile a shábháil. Muna ndéanann, beidh suíochán ag an ULA anseo. Tuar: FF-1(-1) FG-1 LO-2(+1) SF-1.

Áth Cliath Lár. Ardú céíme do Phascal atá i ndán anseo is dócha agus má tá ciall ag FF ní beidh ach iomaitheoir amháin acu anseo, is cuma cé hé nó hí. Tuar: FF-1(-1) FG-1(+1) LO-1 N-1.

Áth Cliath Lár Thuaidh. Titfidh an tóin as tacaíocht FF anseo ach éireoidh leo a suíochán a chaomhnú trí iomaitheoir amháin a bheith acu. Déarfainn go bhfuil Finian i mbaol ó Ghála an Ghiolla Mhóir agus beidh daoine ann nach maithfidh dó an tacaíocht a thug sé don rialtas. Tuar: FF-1 FG-1 LO-1(+1).

Áth Cliath Thoir Thuaidh. Mar atá. Is féidir le FF leath dá vóta a chailliúnt anseo agus beidh suíochán fós acu. Tuar: FF-1 FG-1 LO-1.

Áth Cliath Thuaidh. Ceann eile don ULA anseo. Roimhe seo, cheap mé go raibh Sargent marbh anseo ach má chuireann FF an beirt atá acu ar ais san iomaíocht tá mé ag ceapadh go gcaillfidh siad an dhá ceann agus go mbeidh Sargent fágtha i ndeireadh na dála. Tuar: FG-1 LO-1(+1) CG-1 ULA-1(+1).

An rud is suntasaí ná líon na ndáilcheantair ina bhfuil tacaíocht Fhianna Fáil chomh lag anois nár chóir dóibh na TDanna atá acu a chur san iomaíocht ar eagla go roinnfí an vóta beag atá fágtha acu sa chaoi is go gcaillfí dhá suíochán in ionad ceann amháin. In áiteanna is dócha go n-éireoidh leo an suíochan deireannach a choimeád gan an cuóta a shroichint, ach in áiteanna eile beidh siad fágtha gan teachta ar bith. ASG!

Bunaithe ar na céadtadáin tacaíochta seo:

FG - 30-35%
LO - 25%
FF - 15-20%
SF - 10%
eile - 10-15%

Táim ag súil leis na torthaí seo:

FF-41 FG-67 LO-32 SF-10 ULA-4 N-7 CG-1 GF-4.

I rith an tsamhraidh cheapas nach dtitfeadh tacaíocht FF faoi bhun 20% ach tá'n fianaise ann a léiríonn go dtitfidh. Beidh éifeacht tubaisteach ar líon na suíocháin a bhufaidh siad dá bharr.

Mar fhocal scoir, cé nach bhfuil dáta socraithe, tá an toghchán ag teacht agus is faic gur féidir le FF chun an slad a sheachaint anois.

Toghchán ar deireadh.

2010-11-28T22:01:00.004Z

Cé nach bhfuil dáta cruinn socraithe tá tús curtha le fheachtais toghchánaíochta agus fios ag cách go bhfuil an rialtas atá againn ar tí titim. Rinne mé iarracht ar thoradh a thuar i rith an samhraidh agus seo a bhí súil agam leis:

FF-53 (-26) FG-65 (+14) LO-31 (+11) SF-9 (+5) PS-2 (+2) PRB-1 (+1) N-3

Bhí dhá suíochán eile ann nach raibh mé cinnte futhu agus bhí an tuar thuas bunaithe ar na ceadtadáin tacaíochta a leanas a bheith ag na páirtithe.

FG - 30-35%

LO - 25%

FF - 20-25%

SF - 10%

eile - 5-15%

Lé héacht an Dochartaigh i nDún na nGall inné áfach, ceapaim go bhfuil gá le athbhreathnú a dhéanamh ar an gceist.

An rud is suntasaí faoin toradh ná gurb ionann méid an teipeadh ar vóta Fhianna Fáil sa dáilcheantar seo ón olltoghchán deirneach (ó 51% go 21%) agus an laghdú náisiúnta ó 2007 atá tuartha ag pobalbhreith Red C an tseachtain seo chaite (ó 42% go 17%). Cén athrú a bheadh ar mo thuar mura bhfaigheadh Fianna Fáil ach 17% tacaíocht go náisiúnta? Nó cad a tharlódh dá mbeadh titim 58% ar vóta Fhianna Fáil i ngach dáilcheantar?

Seo daoibh mar sin, dáilcheantar ar dháilcheantar, mar a thitfidh cúrsaí amach dár liom.

Cill Mhantáin. Tá Lady Wicklow éirithe as rud a chiallaíonn go mbeidh sé níos deacra don LO dhá suíochán a bhaint anseo. Teipfidh orthu dár liom. Cheapas roimhe seo go gcaillfeadh Behan a shuíochán, ach le Liz imithe ceapaim go dtiocfaidh sé slán (ar éigin).Má fhaigheann FF 16% nó mar sin den vóta, níl seans dá laghad acu suíochán a bhaint anseo, mar tá gach cosúlacht go mbeidh beirt san iomaíocht acu, an bhlatóg agus Pat Fitz. Tá seans i bhfad níos fearr ag an nGearaltach mar ní bheidh iomaitheoir ar bith ina choinne i ndeisceart an chontae. Tuar: FF-1(-1) FG-2 LO-1 N-1.

Loch Garmán. Bheadh seans ag an LO an dara suíochán a bhaint ó FF anseo, ach amháin leithleas Howlin. Dá mba rud é go raibh Dwyer fós le SF bheadh suíochán aige, ach mar a sheasann cúrsaí, bainfidh FG an tríú suíochán mar ní féidir le FF dhá cinn a bhaint ar 17%. Tuar: FF-1(-1) FG-3(+1) LO-1.

Port Láirge. Ní féidir le FF an dara suíochán a choimeád le níos lú na 20% den vóta. Tuar: FF-1(-1) FG-2(+1) LO-1.

Tiobraid Árainn Theas. Tá súil agam gur Mansergh a chailleas anseo ach níl fios dá laghad agam ach amháin gur cinnte go gcaillfidh FF ceann amháin. Tá sé deacair a rá cé acu Healy nó Prendergast a thógas an tríú suíochán ach caithfidh an buntáiste a bheith ag an páirtí saibhir, seachas an neamhspleáchaí, mar is gnáth. Sin a dúrthas cheanna ach anois, le bhunú an ULA, tá eagraíocht níos mó ag tacú le Healy agus is leor seo cúrsaí a iompú chuige. Tuar: FF-1(-1) FG-1 ULA-1(+1).

Tiobraid Árainn Thuaidh. Mar atá. (Cé gur trua é go ndéantar laoch den Lobhar.) Tuar: FF-1 FG-1 N-1.

Sligeach-Liatroim Thuaidh. Beag seans go bhféadfadh SF éacht a dhéanamh anseo. Tuar: FF-1(-1) FG-2(+1).

Ros Comáin-Liatroim Theas. Cheapas cheana nach mbeadh an Ceallach in ann suíochán a bhaint ó FF mar níor chepas go dtitfeadh vóta FF faoi 25%. Tá'n cuma anois air nach mbainfidh siad fiú 20% rud a chiallaíonn go ndéanfaidh an Ceallach an beart. Tuar: FG-2 LO-1(+1).

An Mhí Iarthar. Bhíos ag ceapadh go mbainfeadh Joe Reilly suíochán anseo ach tá sé éirithe as, rud a chruthaíonn deacrachtaí do SF. Níl eagraíocht dá laghad ag an LO anseo fós agus táim ag seasamh lem' thuar. Tuar: FF-1(-1) FG-1 SF-1(+1).

An Mhí Oirthear. Bainfidh Hannigan suíochán anseo gan dabht agus tá baol ann fiú go gcaillfidh FF dhá suíochán mura bhfaigheann siad ach 17%. Tuar: FF-1(-1) FG-1 LO-1(+1).

Maigh Eo. Caillfidh FF ceann anseo. Ní féidir leo dhá suíochán a bhaint amach agus níos lú na 20% den vóta acu. Fillfidh Cowley arís chuig Teach Laighin. Tuar: FF-1(-1) FG-3 LO-1(+1).

An Lú. Beirfidh FG an suíochán nua leo. Tá Kirk slán mar Cheannchomhairle rud a chiallaíonn gur leor an 17% chun an Dermotologist a thabhairt slán leis. Cé go bhfuil Morgan éirithe as, tá ionadaí roghnaithe ag SF a chinntíonn nach bhfuil a suíochán i mbaol. Tuar: FF-2 FG-2(+1) SF-1.

Longfort-Iarmhí. Le titim vóta FF agus ardú vóta FG ba chóir go n-athróifidh suíochan ó cholún FF go cholún FG. Ní féidir neamhaird iomlán a thabhairt áfach ar Sexton, ach fiú má tá vóta pearsanta aici agus farasbarr mór fágtha chuici ag Penrose, ní fhéadfainn an dara suíochán a fheiscint anseo don LO. Tuar: FF-1(-1) FG-2(+1) LO-1.

Contae Luimnigh. Arís, le h-athrú tacaíochta caithfidh na suíocháin athrú freisin. Is dócha nach móran tacathóirí FF a chuireas tic i mbosca na Léinte Gorma, ach ní gá go ndéanfaidis. Ní gá ach go bhfanfaidh dóthain acu sa bhaile ar an lá chun an dara suíochán a thabhairt do FG. Níl aon páirtithe nó iarrathóirí eile san iomaíocht anseo. Tuar: FF-1(-1) FG-2(+1).

Cathair Luimnigh. Rinne mé botún nuair nár chuir mé san áireamh go bhfuil suíochán caillte ag an ndáilcheantar seo don toghchán atá le teacht. Cheapas go n-éireodh le FF dhá suíochán a choimeád, fiú le titim tubaisteach tacaíochta, ach gan ach ceithre suíochán ar fáil ceapaim go gcaillfidh siad ceann anois. Tuar: FF-1(-1) FG-2 LO-1.

Laois-Uíbh Fháilí. Tá sé fíor-dheacair a rá cad a thárlós anseo. Má fhaigheann siad faoi 30% agus gach cosúlacht anois gur mar sin a thárlós, caithfidh go bhfuil an tríú suíochán imithe do FF. Cé go dtiocfaidh fás ar tacaíocht na Léinte Gorma ní féidir a bheith ag súil go bhfaighidís níos mó ná 35% anseo, go háirithe le cinneadh NicIonrachtaigh éirí as. Tá eagraíochtaí lag go leor anseo ag LO agus SF ach i ndáiríre d'fhéadfadh an suíochán deireannach imeacht aon áit. Fágfaidh mé i gcolún GanFhios é. Tuar: FF-2(-1) FG-2 GF-1(+1).

Cill Dara Theas. Ní féidir le FF dhá suíochán as trí a bhaint amach le níos lú ná 30% den vóta. Tuar: FF-1(-1) FG-1(+1) LO-1.

Cill Dara Thuaidh. Tá FF i mbaol dhá suíochán a chailliúnt anseo mar ní bheidh níos mó ná 20% den vóta acu agus beidh sé scaipthe thar dhá TD. An mbeidh sé de mhisneach ag ceann acu éirí as chun an ceann eile a shábháil? Sin a thitfidh amach dár liom agus bainfidh Murphy an suíochán ó FF. Tuar: FF-1(-1) FG-1 LO-1 N-1(+1).

Ciarraí Theas. Bhí suíochán ag an LO anseo tráth dá raibh, ach tá an cuma air go bhfuil Moynihan-Cronin éirithe as, rud a chiallós go mbeidh sé deacair orthu é a bhuachaint ar ais. Tuar: FF-1 FG-1 N-1.

Ciarraí Thuaidh. Leis an titim tacaíochta atá i ndán do FF, caithfidh nach mbeadh siad chomh amaideach beirt a chur san iomaíocht anseo ach fós táim den tuairim go mbainfidh Anglo Arthur Mac an tEarraigh suíochán McEllistrim. in adharca a chéile le cianta agus blianta, agus fiú dá gcuirfí iallach ar cheachtar acu an fhód a fhágaint, is beag baol go ndéanfaidis, rud a scoiltfeadh an vóta ar aon nós. Tuar: FG-1 LO-1(+1) SF-1.

Gaillimh Thiar. Tá suíochán an Fhathaigh imithe anseo, ach ba chóir go mbeadh Dev Óg slán. Tá'n hUigíneach éirithe as chomh maith ach caithfidh go bhfuil suíochán anseo don LO, fiú gan é. Is mór an trua dom é ach tá an cuma air go mbeidh áit san dáil fós don iar-PD. Tuar: FF-1(-1) FG-2 (+1) LO-1 N-1.

Gaillimh Thoir. Dáilcheantar ait atá anseo in bhfuil beirt FG (an Búrcach agus an Connachtach) ag éirí as. Fós féin ceapaim go n-éireoidh leo na suíochán a choimeád do FG ach ceapaim chomh maith go gcabhróidh easpa TDanna san iomaíocht le iarrathóir ón LO suíochán a bhaint chomh maith. Níl aon slí gur féidir le FF dhá suíochán a choiméad agus maraon le Cill Dara Thuaidh táim ag ceapadh go n-éireoidh ceann acu as chun an ceann eile a shábháil. Tuar: FF-1(-1) FG-2 LO-1(+1).

Ceatharlach-Cill Chainningh. Tá'n Faoiteach marbh anseo agus lán d'fhios sin aici. Caillfidh FF ceann anseo freisin. Tuar: FF-2(-1) FG-2(+1) LO-1(+1).

Cabhán-Muineachán. Bhí trí cinn ag FF anseo de bharr go raibh ceann comhairle acu an uair dheireannach. An uair seo tá'n cuma air nach sárófaidis 20% rud a imeoidh chun leasa FG & SF. Fiú le Crawford ag éirí as bainfidh FG an dara suíochán anseo agus tá'n cuma air go mbeidh sé de dhánacht ag SF iarrathóir ón gCabhán a chur san iomaíocht, rud a thabharfas an suíochán deireannach dóibh. Tuar: FF-1(-2) FG-2(+1) SF-2(+1).

An Clár. Ní féidir dearmad a dhéanamh ar Bhamjee a thóg suíochán anseo gan choinne i 1992 ach níl aon cuma air go dtárlódh a leithéid arís, ach amháin má tá iarrathóir láidir acu. Ós rud é nach bhfuil ceapaim go bhfillfidh Breen. Tuar: FF-1(-1) FG-2 N-1(+1).

Dún na nGall Thoir-Thuaidh. Leis an tóin ag titim as vóta FF beidh suíochán úr nua ag SF faoi dheireadh. Tuar: FF-1(-1) FG-1 SF-1(+1).

Dún na nGall Thiar-Theas. Agus tóin an Dochartaigh in áit cheana féin, níl aon amhras go mbeidh bua eile aige an chéad lá eile. Tuar: FF-1(-1) FG-1 SF-1(+1).

OMD, tógann sé seo na uaireanta! Fágfaidh mé mar seo é anois agus críochnóidh mé amárach le cúrsaí sa phríomhchathair agus cúrsaí i gcró na muc a cheapann go mba chóir dó a bheith ina phríomhchathair.

Go dtí seo, seo atá tuartha agam:

FF-27 FG-44 LO-15 SF-7 ULA-1 N-6 GF-1

Dialann nua.

2010-11-19T11:19:00.001Z

An bhfuil éinne in ann moladh a thabhairt dom cá bhfaighfinn dialann póca don bhliain seo chugainn. Fé láthair tá An Dialann Stáit 2010 agam agus táim lán sásta léi ach ní fheicim ceann don bhliain atá le teacht ar díol fós.

Dár ndóigh, is táirge Éireannach atá uaim, mar is annamh go mbeadh gá agam le léarscáil de Londain agus is cuma sa tsioc liom faoi bhreithlá na banríona i Sasana, nó aon banríon eile.

N'fheadar an mbeidh Dialann Stáit foilsithe i mbliana in aon chor agus má tá an mbeidh cruit uirthi nó b'fhéidir suaitheantas an IMFF ina áit?

¿Cómo se dice 'corralito' en Irlandés?

2010-11-18T10:57:00.003Z

Tá taithí agam ceartúcháin ar mo chuid Gaeilge a fheiscint sna tráchtanna (go raibh míle maith agaibh, Dennis agus Aonghus go háirithe!) agus táim cinnte go bhfuil i measc a léifeas an sliocht seo daoine a bhéas in ann aon botún Spáinnis san teideal a cheartú, chomh maith le tuairim a thabhairt ar cén Ghaeilge ab oiriúnaí chun an focal úd 'corralito' a aistriú.

Ní hé go bhfuil mé ag iarradh teanga nua a fhoghlaim ach gur cuireadh an cheist cheanann chéanna le déanaí ar an mBiorán, anseo.

'Séard a bhí sa 'corralito' ná srianta a chur rialtas na hAirgintíne ar shaoránaigh a airgead féin a thógaint ó bainc chun a chinntiú nach ndíscítí go hiomlán iad (na bainc, dár ndóigh - cuma sa tsioc faoin phobail!) de bharr an easpa muiníne a bhí iontu ag an am. Gan móran eolas agam ar chúiseanna géarchéim na hAirgintíne 10 mblian ó shin, nílim chun léacht eacnamaíochta a thabhairt ar chén fáth go mbeadh gá againn le Gaeilge a chur ar 'corralito' ach má tá suim agaibh sa cheist molaim daoibh uair nó dhó a chaitheamh ag léamh snáith nó dhó thall ansan.

Rinne Dubhaltach trácht d'Aill na Searrach inar chaoin sé nós na n-eachtrannach ainmneacha seafóideacha a chumadh d'áiteanna lena bhfuil seanchas agus traidisiúin ársa ag baint leo cheana féin. Aontaím go huile 's go hiomlán leis ach fós bhéinn sásta ainm nua a chur ar an aill úd ársa féin. In ionad Aill na Searrach, mholfainn Aill na nAirí a ghaloch air. Ach cad a chaithfí caitheamh ón aill úd chun an baistiú a chur i gcrích ...

Nollaig ar ceal.

2010-11-12T12:42:00.000Z

Mar is gnáth sa tír seo, níl macalla Oíche Shamhna ciúnaithe sula gcloistear cloigíní aoibhinn na Nollag. Ach i mbliana tá'n ceiliúradh chinn bliana i mbaol de bharr an géarchéim atá buailte anois orainn. Chuala mé ráflaí inné go raibh Daidí na Nollag gortaithe go dona in ionsaí agus tá sé fé láthair in aonad dianchúram. Go dtaga biseach air chomh tapaidh agus is féidir agus go mbeirtear ar an gcoireach síceapatach atá freagrach as an ionsaí (agus an aonad dianchúram chomh maith) más fíor an pictiúr thíos. D'aimsíos ar an idirlín é, caithfidh go bhfuil sé fíor.

Vaimpír fós ar lár i ndiaidh slad a dhéanamh ...

2010-11-01T16:36:00.000Z

Moltar gan baint ar bith a bheith léi má fheiceann sibh í. Tá cuma an ocrais uirthi fós.

Simply Beautiful

2010-10-31T16:55:00.001Z

Seo liricí iomlán an amhráin thíosluaite, ach seans maith go bhfuil botúin ann, mar níl an fuaim ró-mhaith ar an tseantéip. Tá sé deacair a chreidiúint nach féidir liom rian de a aimsiú ar an idirlín agus tá imní orm go ndéanfaidh na liricí thíos éagóir ar an gcumadóir, mar is éasca go n-athródh brí an amhráin le focal nó dhó ar bheith ar lár nó ar strae, go háirithe nuair is téama spioradálta atá á phlé. Fáilte roimh cheartúcháin ar bith agus bhéinn fíor-bhuíoch má aithníonn éinne an cheol.

My old man says heaven's a myth.
We come and go child, that's all there is.
No fallen angels or tortured souls,
You just put your faith child in what you know.

And that's when your boat's lost, out at sea,
you just close your eyes child and think of me,
you know that I'll be there, when you reach out,
I'll always be there, yes I'll be there.

Will you be there? Will you be there? Will you be there? Will you be there?
When I reach out? When I reach out? When I reach out? When I reach out?

My old girl says, pay no heed child,
A little thinking's a dangerous thing.
Now, don't go filling up that child's head,
Leave him something for himself.

And that's don't forget when you're far from grace child,
there's always room for a little faith.
And that I'll be there, when you reach out,
I'll always be there, yes I'll be there.

Will you be there? Will you be there? Will you be there? Will you be there?
When I reach out? When I reach out? When I reach out? When I reach out?

[My uncle Liam??] never once set,
foot inside a church all his adult life,
Just the once when he upped and wed his,
childhood sweetheart and lifelong friend.

They said that is [simple child, as a loves they said??]
She kicks ball it seems with her left foot,
And so on her head well, so be it,
And from that day on never spoke with him.

She was simply beautiful, simply beautiful, simply beautiful,
simply beautiful, simply beautiful, she was simply beautiful.

Did you know light travels from,
the furthest corners of our known universe,
Hits the atmosphere something close to
One hundred eighty six thousand miles and hour?

Hits the earth and it splits in two,
Hits the back of your eye child and comes out blue.
And it's like the ocean, like the sky child,
Like the tear that might fall from your eye.

And it's simply beautiful, simply beautiful, simply beautiful,
simply beautiful, simply beautiful, simply beautiful.

Jesus loves me, I've no doubt,
When my boat's lost and [ ??? ] is out,
I just put my faith in what I know.
And it's here I am now, just watch me go.

'Cause I'm simply beautiful, simply beautiful, simply beautiful,
simply beautiful, simply beautiful, I'm simply beautiful.

Simply beautiful, simply beautiful, simply beautiful,
simply beautiful, simply beautiful, simply beautiful.

Cad is brí leis? Omós diasach, diachach nó daonnach?

Alice's Restaurant.

2010-10-29T22:11:00.002+01:00

Bhíos ag cuardú san áiléir anocht agus cad a tháinig mé orthu ach dhá bhosca mór de sean-chaiséid cheoil? An cuimhin le héinne eile na caiséid? Táim ró-óg aon taithí bheith agam ar chéirníní ach tógadh mé roimh ré na ndlúthdioscaí agus is ar chaiséid a cheanaíodh ceol nuair a bhí mé óg. Tá roinnt albaim iontacha agam ann:

The Real Thing - Faith No More

Anglel Dust - Faith No More

Siamese Dream - Smashing Pumpkins

Mellon Collie and the Infinite Sadness - Smashing Pumpkins

Rum, Sodomy & the Lash - The Pogues

The Stone Roses

Rage Against the Machine

Trailer - Ash

Last Splash - The Breeders

Smart - Sleeper

(What's the story?) Morning Glory - Oasis

Incesticide - Nirvana

In Utero - Nirvana

Pocket Full of Kryptonite - Spin Doctors

3 Years, 5 Months and 2 Days in the Life of ... - Arrested Development

Tá cuid acu sin nach bhfuil cloiste agam leis na blianta agus caithfidh mé am a dhéanamh iad a sheinneadh arís. Dár ndóigh bheadh sé i bhfad níos éascaí iad a lorg ar mp3 agus éisteacht leo ar an nguthán nó sa charr nó aon áit eile seachas an seanseinnteoir téipeanna atá agam sa chistin a úsáid.

Cad eile a bhí sna boscaí dubha? Bhuel, a léitheoirí, má raibh sibh óg sna luath nóchadaí nuair a bhíos óg, b'fhéidir gur chuala sibh trácht ar chraoltóir creachadóireach i mBÁC dárbh ainm Alice's Restaurant? Bhíodh sí le cloisint tráthnóntaí Dé hAoine & Dé Sathairn amháin, más buan mo chuimhne agus bhí sé de nós agam ceol a thaifid uaidh agus tá deich gcaiséid de cheol na linne sin anois agam agus is seod é chuile ceann acu. Tá mé ag éisteacht le ceann acu anois agus níl ach tuairim is leath des na amhráin orthu breactha síos agam sna himchártaí. Is dócha nach raibh a fhios agam cé hiad leath des na bhannaí a bhíodh á thaifead agam, agus ní raibh Google ann ag an am chun fiosrú a dhéanamh.

Anois dár ndóigh ní gá ach gúgláil a dhéanamh ar na liricí chun ainm an banna agus an amhrán a aimsiú.

Ar an chéad téip tá na seoid a leanas aimsithe agam:

Dinosaur Jr. - Feel the Pain.

Drugstore - Superglider.

Therapy? - Die Laughing.

Magnapop - Ride.

L7 - Pretend We're Dead.

Tá amhrán álainn amháin air nach bhfuil mé in ann a aimsiú ar an idirlíon in aon chor:

Hada te Hada - Simply Beautiful.

Sin atá breachta san imchárta ar aon nós ach ní féidir liom trácht ar bith air a aimsiú. B'fhéidir nach shin ainm an ghrúpa agus b'fhéidir nach Simply Beautiful ainm an amhráin ach oiread ach cantar amach na focail sin mar churfá agus má tá sé cloiste agaibh riamh, aithneoidh sibh láithreach é.

Tosnaíonn an t-amhrán mar seo:

"My old man says heaven's a myth.
We come and go child, that's all there is.
No fallen angels or tortured souls,
You just put your faith child in what you know."

An cuimhin le héinne eile Alice's Restaurant nó an aithníonn éinne an rann seo?

Litir chun fhreasúra.

2010-10-28T11:26:00.004+01:00

Beidh toghchán againn sár i bhfad (le cúnamh cé) agus tá mo smaointe anois ag díriú ar cé hiad a thuillfidh m'uimhreacha ar phár lá an chinniúna. Tá sé ráite agam cheanna féin gur ar éigin a cheapaim go ndéanfaidh sé pioc de dhifríocht cé atá i gceannas an ainnis mar go bhfuil an oiread acu aontaithe gur gá bunachar sóisialta na tíre a scrois ar mhaithe na mbanc, idir náisiúnta agus ehm ... idirnáisiúnta.

Cúig billiún déag de ghearrtha laistigh de cheithre bhliana an ea? Is annamh a theipeann mo Ghaeilge orm ach tá súil agam go ngabhfar mo leithscéal má lúim siar ar theanga ghonnta ár gcomharsan - fuck off.

Cad is féidir a dhéanamh mar sin? Tá caiteachas de chaoga billiún nó mar sin ag teastáil chun leanúint mar atáimid agus níl coinne acu ach le tríocha billiún nó mar sin mar ioncam. Glacaim gur gá an bhearna a laghdú ach ní ar chaoi a bhrisfidh an tír.

Ar an gcéad dul síos, caithfidh aon gearrthacha a thosú ag barr. B'fhéidir go mbeidh gá an pinsin nó an dól a ghearradh, ach ní nuair atá stáitséirbhísigh áirithe ar thuarastáil os cionn dhá chéad míle (€200k) agus ní nuair atá iar-stáitséirbhísigh ar phinsin os cionn céad míle (€100k). Is dócha nach leath na hoibre atá anseo ach nílim chun uimhir ar bith a thabhairt d'aon pháirtí nach ngeallann uas-thuarastal an stáitséirbhís a ghearradh go aon chéad mhíle euro (€100k). Níl sé ar chumas an stáit pingin níos mó a thabhairt d'éinne. Má tá daoine ann nach bhfuil sásta obair ar an méid sin is féidir leo bailiú leo amach as a bpostanna agus ná buailfear an doras iad ar an tslí amach. Chomh maith le sin, caithfidh uas-phinsin a chur i bhfeidhm agus thosóinn ar chaoga míle euro (€50k). Níl an t-airgead ann níos mó a íoc agus tá sé soiléir anois nach raibh riamh.

An dara polasaí atá ar intinn agam tacú leis ná deireadh iomlán a chur le faoiseamh cáineach ar phinsin príobháideacha. Maíonn Vincent Browne go bhféadfaí trí go leith billiún de euro (€3.5bn) a shábháil in aghaidh na bliana tré na faoisimh cháine seo a stopadh, uimhir atá dochreidte a léamh. Tá a leithéidí Fingers, Seánaí Dána agus an Drumadóir Beag in ann pinsin ollmhóra a chur ar leataobh dóibh féin agus níl an stáit fiú ag gearradh cáin ar an rachmais iontach atá acu len é a dhéanamh?

An triú polasaí atá mé ag iarradh a fheiscint ná séanadh na fiacha atá glactha ag an rialtas ar ár son, nó ar son a gcairde sna bainc is cóir a rá. Seasann an fiachas náisiúnta ag nócha billiún euro anois (€90bn), fiú gan bannaí NAMA a bheith san áireamh. Níl seans dá laghad go mbeimid riamh in ann é sin a aisíoc agus b'fhearr é sin a admháíl anois, seachas an tír a scrios ag iarradh an fhírinne sin a shéanadh. Tá sé soiléir do chách anois go dteipfidh orainn bannaí a aisíoc am éigin sna blianta atá romhain. Níl ciall ar bith ag baint le leanúint le hiarrachtaí an dalla mullóg a chur orainn ná éinne eile a thuilleadh. Le déanaí bhí Joan Burton ag argóint le Lenny sa Dáil faoi chostas aisíocadh na mbannaí seo. An gcosnóidh sé billiún go leith (€1.5bn) nó trí billiúin (€3bn)? Hmm, níl sé soiléir domsa agus níl sé soiléir domsa ach oiread go bhfuil sé soiléir do cheachtar acusan. Cuimhnigh nach bhfuileadar ag argóint ach faoi bannaí Anglo amháin, gan trácht ar an nócha billiún! Caithfidh aon páirtí a bhfuil mo vótasa uathu a ghealladh nach bhfuileadar chun bannaí a eisíodh i ndiaidh Fómhar 2008 a aisíoc. B'shin an am a ghoid na bainc an tír agus níl muintir na hÉireann freagrach as na fiachaí sin, dár liom.

Sin agaibh mar sin mo ghearrthacha. Trí billiún go leith (€3.5bn) ar fhaoiseamh cháineach do phinsin phríobháideacha. Trí billiún (€3bn) eile nó mar sin de bharr séanadh na mbannaí. Billiún (€1bn) eile (ar a laghad) tré uas-thuarastal agus uas-phinisn a chur i bhfeidhm sa státséirbhís. Seacht mbilliún go leith (€7.5bn) mar thús agus feicfimid cá mbeimid anuraidh.

Dár ndóigh is féidir breis ioncam a bhaint amach tré athruithe a dhéanamh ar rátaí cáineach, ach fágfaidh mé na tuairimí sin do phost éigin eile.

Tá mé chun scríobh chuig páirtithe an fhreasúra ag lorg a smaointe ar na gearrthacha seo. Nílim chun fiú uimhir a fiche a chur amú ar aon bhastún nach féidir leis on léi aontú liom orthu, nó smaointe níos fearr a nochtú.

Na muca fós ag gnúsacht.

2010-10-27T11:05:00.002+01:00

Bhíos as-líne, as-tír, as-saol le breis is mí nó mar sin anuas ach ar filleadh anois dom, tá ionadh orm go bhfuil na muca thíosluaite fós ag gnúsacht agus nach bhfuil an réabhlóid tosnaithe, ná baol ann leis fiú.

Más iomaí modh muc a mharú cén fáth go bhfuileadar fós saor chun praiseach a dhéanamh don tír?

Buille Maraithe na Muice?

2010-09-14T11:41:00.006+01:00

Tá sé i gcoinne an dlí a bheith i bhfeighil gluaisteáin agus tú fé thionchar an óil. Nach cóir go mbeadh sé i gcoinne an dlí mesice nó póit a bheith ort i bhfeighil tír?

Tá'n scéal á shéanadh ag an mbastún, ach nuair a chuirtear Morning Ireland na maidine ar an idirlíon amach anseo beidh an agallamh náireach le cloisteáil ag gach duine. Deanaigí bhur gcinntí féin.

Chualas féin ar maidin é agus sin díreach a cheapas - tá póit ar an bhfocar sin!

Meas mór do 'What Goes Up' ón mBiorán as ucht an bpictiúir thuas.

Sínígí anseo, mura miste libh ...

2010-09-10T16:31:00.001+01:00

N'fheadar an bhfuil aon ní chomh neamhéifeachtach le hachainí idirlíne?

Fós féin, tá duine éigin i ndiaidh feachtas ar-líne a bhunú chun brú a chur ar an Roinn culú ón gcinneadh stádas na scoileanna ABA a athrú, ionas nach scoileanna ABA a bhéas iontu a thuilleadh. Go bhfios dom, tá an cinneadh seo déanta, agus glacta leis beag nó mór ag na scoileanna féin, cé gur b'fhéidir nach mó ná sásta a bhí cuid acu géilleadh le haineolas na Roinne ar deireadh.

Cad is fiú a bheith ag gearán anois faoi nuair atá an feall déanta? Tá a fhios againn dár ndóigh cé orthú a fhileann feallanna. B'fhéidir gurb fhiú é a shíniú ar mhaithe cruachás na leanaí seo a choimeád i mbéil an phobail, ach nuair a fheicim cé atá mar an cheathrú duine á shíniú is ar mire atáim.

Cheapfá gur gnáth-shaoránach an amadán úd gan tionchar ar bith aige ar chúrsaí na tíre ach nach bhfuil aon rud eile go bhféadfadh sé a dhéanamh seachas a hainm a chur hachainí idirlíne? Mo náire thú a Phóilín!

In aineoinn masla an ghlasra, sínígí anseo, le bhur dtoil.

Críostaithe in adharca a chéile ...

2010-08-26T22:47:00.000+01:00

... mar is gnáth.

Bhí alt gearr siumiúil ar chlúdach an IT inné ag cur síos ar léacht a thug ard-easpag Átha Cliath Diarmuid Martin (in Iodáilis mar a thárla) os comhair shlua chaitlicigh Iodálacha, Communione E Liberazione.

Ní féidir liom a rá go bhfuil mórán eolas agam ar dheighiltí inmheánacha an eaglais áirithe sin, ach níor éiligh an masla a léirigh an Róimh don ard-easpag, nuair a dhiúltaigh siad le glacadh le éirí as oifig dhá easpaig eile a bhí páirteach sa scanall a nochtaíodh le fhoilsiú Tuairisc Uí Mhurchú an bhlian seo chaite, uaim.

In alt an lae inné deireann an ard-easpag:

“Many foreign observers still think that Ireland is a stronghold of traditional Catholicism. They are surprised to discover, as I was when I returned to Ireland (in 2004), that there are parishes in Dublin where Mass attendance on Sundays is less than 5 per cent, or even as low as 2 per cent in some cases.

“The problem is that many in Ireland and in the Irish church . . . continue to act as if they were still living in a majority Catholic culture . . . ”

Ní féidir liom a shéanadh ach go mbaineann sé geit asam an méid sin a chloisint ón Mháirtíneach cé gur cinnte go bhfuil an ceart aige - ní tír caitliceach í seo a thuilleadh ach is ar éigin a bhfuil tuiscint ag cheannairí an eaglais ar an fhírinne áirithe sin, in ainneoinn admháil an Mháirtínigh.

Tá'n cuma anois air nach mó ná sásta atá ceannairí eile an eaglais i leith mhacántacht an Mháirtínigh. Táid ag gearán anois nach raibh aistriúchán go Béarla curtha ar fáil de na raibh le rá ag an ard-easpag. IAC.

N'fheadar cén fáth nach bhfuil na críostaithe neamhliteartha seo ag lorg aistriúchán go Ghaeilge?

WiMax?

2010-08-26T11:52:00.001+01:00

An bhfuil taithí ag éinne ar WiMax? An bhfuil maitheas ar bith leis? Breathnaíonn sé ceart go leor ar pháipéar ach b'fhearr liom a chloisint go bhfuil sé in úsáid ag duine éigin eile agus go bhfuil ag éirí leo.

Tá nasc ó Irish Broadband agam anois agus táim sásta go leor leis ach tá imagine! i ndiaidh Irish Broadband a cheannacht agus seoladar litir inné chugam ag díol an nasc WiMax le bandaleithid níos airde ná mar atá anois agam. Bheartaigh mé ar thriail a bhaint as, ach ag cuardú anois dom ar boards.ie ní féidir liom oiread is tuairisc amháin dearfach a aimsiú. Dár ndóigh ní bhéinn ag súil go mbeadh daoine ar a leithéid ag moladh séirbhís mar seo, ach fós, mura bhfuil ann ach cáineadh ... ?

Tá seacht lá anois agam m'intinn a athrú agus tá imní orm gur b'fhéidir gur chaith imagine! iomarca ar an bholscaireacht agus fógraíocht in ionad an t-airgead a chaitheamh ar chur i bhfeidhm an teicneolaíocht?

Ní féidir a shéanadh ach gur fógraíocht den scoth atá ann!

Is dócha go gcuirfí mé glaoch ar ais chucu ag lorg gealltanas éigin go mbeidh mé in ann briseadh ón gconradh mura bhfuil an tséirbhís chomh maith agus a mhaítear.

Rabhadh.

2010-08-25T17:16:00.000+01:00

Bhíos ag gúgláil liom ag lorg eolas faoin córas nua WiMax nuair a thárla seo:

Cleas cliste é seo chun cosaint daoine a ísliú. Tá gach cuma air go bhfuil an córas oibriúcháin ag iarradh do ríomhaire a chosaint ó Trojan agus ní gá ach 'Remove all' a roghnú chun do threallamh a choimeád slán ó na diabhail Rúisigh. Ach, nuair a bhrúann tú an cnaipe áirithe sin, cad a thárlaíonn ach go n-osclaítear preabfhuinneog eile ag iarradh cead pack_win-security.exe a íoslódáil. Dár ndóigh má thugann tú cead tá tú sáite i bpráinn.

Bheadh, ba chóir dom a rá, ach níl, mar ní chóir go mbeadh Fuinneoga ar an ríomhaire in aon chor agat, rud a chiallódh go mbeadh an 'Control Panel' thuas go hiomlán as áit.

Fáth amháin eile Linux a úsáid: ní fiú dos na Rúisigh am a chaitheamh ag iarradh an dalla mullóg a chur ar éinne seachas lucht na bhFuinneog.

Dála an scéil, úsáideann na Rúisigh ríomhairí a bhfuil smacht acu orthu (i ngan fhios dá úinéirí) chun suíomhanna idirlíne a ionsú, ar nós ár CAO féin. Cé gur córas nimhneach córas na bpointí, sílim go bhfuil sé beagáinín iomarcach an CAO féin a ionsú. N'fheadar cé mhéad pointí gur gá a bheith agat chun ríomheolaíocht a dhéanamh i mbliana?

Go sábhála dia sinn ...

2010-08-20T11:22:00.003+01:00

... dá mbeadh a leithéid ann. Is dócha áfach nach bhfuil agus b'fhearr go mór dúinn gan a thuilleadh ama a chur amu ag iarradh é nó í a shásamh.

I ndiaidh dom saothar Phullman a léamh cúpla mí ó shin thosaigh mé ar 'The History of Christianity' le Diarmad McCulloch, ach is léitheoir fiór-mhall mé de réir dealramh, mar nílim fós ach tuairim is dhá thrian tríd go dtí seo. Ní hé sin le rá nach bhfuil mé an tógtha leis mar leabhar. Táim. Tá sé thar a bheith suimiúil fás, borradh agus fréamhú an chreidimh a bheith leagtha amach thar na céadta ach níl sna scoilteanna agus athscoilteanna domsa ach tuilleadh fáthanna chun draíocht chríost a shéanadh. Má tá dia chríost ann áit éigin sna scamaill is cinnte gur fíor bheagán dá slua a bhainfear aníos go neamh iad ar lá an chinniúna, mar tá an oiread sin athraithe déanta thar na cianta nach féidir a mhaíomh a thuilleadh go bhfuil na críostaithe fiú ag leanúint toil dé, pé hé nó hí.

Ach mar a dúrthas i dtús, níl agus ní gá dá bharr a bheith buartha faoi sean-scéalta na nGiúḋach níos mó, ach amháin mar ábhar suime do pháistí (idir óg agus aosta!)

Ag athléamh arís dom sula mbrúm 'Foilsigh' feicim na focail

'toil dé pé hé nó hí'

agus measaim gur bhunús maith mantra aindiach iad. Cad a cheapann sibh?

Obair Bhaile.

2010-08-18T09:59:00.002+01:00

Mar gur minic a mheallann freagra ceist, seo tasc beag daoibh.

Cén réamhfhocal* a bhaineann le gach pictiúr thíos?

Is dócha go bhfuil níos mó ná freagra amháin ar chuid acu.

Seo iad a leanas mo thuairimí faoi I, J, K & L.

I: faoi

J: ar

K: thar

L: os cionn

Mo bhuíochas le Séan as ucht an spreagadh.

* Réamhfhocail comhshuite san áireamh.

Imigh nó Téigh?

2010-08-17T13:55:00.001+01:00

Táim fillte anois ó thobair na Gaeltachta ach tá tart fós orm, i ndiaidh an rothaíocht a rinneas is dócha. Más féidir libh braonta beaga eolais a sheoladh chugam, bhéinn buíoch asaibh.

Cad í an difríocht idir bríonna an dhá bhriathar 'Imigh' & 'Téigh'? An bhfuil rialacha ar leith ann a mhíníonn conas nó cathain go mba chóir ceann a úsáid thar ceann eile? An ceist chanúnachais í? Is ait dom nár imigh an cheist seo i bhfeidhm orm roimhe seo, nó an ait nár chuaigh?

Ach anois go bhfuil sé imithe i bhfeidhm orm, rachfaidh mé as mo mheabhar ag macnamh air mura dtugann duine éigin faoiseamh dom.

Fáilte roimh bhur dtuairimí.

Camchuairt nua

2010-07-30T22:11:00.004+01:00

Beidh mé anseo sa Dúiche Seoigheach ar feadh cúpla seachtain agus chomh maith le blas binn na Gaeltachta a slogadh siar déanfaidh mé iarracht roinnt rothaíocht a dhéanamh.

Tá camchuairt déanta agam le cúpla lá anuas, ó Chorr na Móna, soir chuig an Fháirche, ar aghaidh go dtí an Chloch Bhreac agus ar ais go Chorr na Móna. Aistear 28km ar fad atá ann agus thóg sé 70 nóiméad orm é a dhéanamh an chéad lá ach inné d'éirigh liom í a chríochnú i 64 nóiméad. Ni bheidh mé sásta ina aon chor mura mbeidh mé in ann uair ghlan a sharú roimh fhilleadh dom go bóithre rialta mo áit chónaithe.

Níl leathanbhanda agam gur féidir braith air áfach agus is fíor bheag a bhreacfas anseo go dtí go bhfillfidh mé ar an mbaile.

An dtaithníonn an litriú seo leat?

2010-07-19T09:09:00.001+01:00

Tá aiste ghearr le scríobh agam agus ar mhaithe an chruinneas rinne mé Gaelspell a shuiteáil. Iontach cabhrach an bogearra é, a fhágann líne dhearg faoi bhun aon fhocal nach bhfuil sé sásta le, i dtaobh gramadaí nó litriú de. Dár ndóigh, caithfear a bheith cúamach fós (ní dhéanann sé gearán má mheascann tú siúl agus súil, mar shampla) ach bíonn na fadhbanna céanna le seicealaí litirthe in aon teanga.

Ag ceartú m'obair ansin thug mé fá ndeara go raibh líne bheag faoi bhun an fhocail 'taithníonn' sa ghiota bheag seo:

Cé go dtaithníonn ...

Rinne mé gach saghas athrú air chun an líne rua a dhíbirt gan sásamh, go dtí go rabhas cinnte go raibh botún éigin sa seiceálaí litrithe. Rinne mé Gúgláil ar 'taithníonn' agus is léir go bhfuil sé i ngnáthúsáid ar fud na cruinne. Cad chuige an líne dearg mar sin? Ar deireadh, bhain mé an 'h' sa lár - BINGO!

Cad sa tSioc? (M'iarracht ar WTF, cad a cheapann sibh?) Isteach láithreach chuig FGB Uí Dhónaill liom agus sin é. Níl 'h' i lár taitníonn! Dochreidte! Táim i ndiaidh leath de mo shaol a chaitheamh ag ceapadh go raibh. Tá 'taithin' sa FGB mar leagan eile de taitin mar a thárlaíonn, ach ní bhfuair GaelSpell an meabhrán is dócha.

Cén fáth nár oscail mé FGB i dtús? Bhuel, bhíos chomh cinnte sin go raibh mé i gceart nár shíl mé go raibh gá. Aisteach a rá nár smaoinigh mé ar FGB a úsáid ach chun a chinntiú go raibh 'taitníonn' mícheart.

Cad a cheapann sibh. An bhfuil taithníonn caighdeánach, nó nach bhfuil?

Bás na scoileanna ABA.

2010-07-14T14:07:00.003+01:00

Tá alt sa pháipéar inniú a chuireann scéin agus fearg orm.

Tá brú á chur ar thuistí sna scoileanna ABA aitheantas mar scoileanna speisialta a ghlacadh ach ar bhonn an chinnteos nach scoileanna ABA a bhéas iontu a thuilleadh.

Ó oscailt an chéad scoil ABA i gCorcaigh níos mó na deich mbliain ó shin, tá fás agus borradh tagtha ar na scoileanna seo, ach ní rabhadar riamh in ann séirbhísí a chur a fáil do ghach páiste a raibh gá acu dóibh. In ionad scoileanna nua a oscailt agus forbairt na scoileanna a bhí ann a cheadú agus a mhaoiniú, bheartaigh ar an rialtas ar iad a dhúnadh, diaidh ar ndiaidh, faoi cheilt, i ngan fhios don phobail i gcoitinne.

Mar a thuigtear domsa é, tá brú á chur ar na dtuistí agus na oidí sna scoileanna glacadh leis na coinníollacha nua nó dúnfar na scoileanna.

Tá dalla mullóg á chur orthu freisin go mbeidh gach rud ceart go leor ach tá na saineolaithe i gceannas ar chéird ABA i ndiaidh teacht amach anois le ráiteas a cháineann pleananna an rialtais agus a shéanann gur féidir cláracha ABA a chur i bhfeidhm gan oidí atá cáilithe i gceart chuige.

Ionsaí náireach ar pháistí le huathachas atá anseo agus níl deireadh an scéil cloiste fós againn.

Torthaí an Toghcháin. Chuala sibh anseo i dtús iad,

2010-07-13T22:59:00.004+01:00

Ceatharlach-Cill Chainningh. Tuar: FF-2 (-1) FG-2 (+1) LO-1(+1).

Tá'n Faoiteach marbh anseo agus lán d'fhios sin aici. Caillfidh FF ceann anseo freisin.

Cabhán-Muineachán. Tuar: FF-2 (-1) FG-2 (+1) SF-1.

Bhí trí cinn ag FF anseo de bharr go raibh ceann comhairle acu an uair dheireannach. Ach, fiú le vóta fé bhun 30% ba chóir go mbeadh siad in ann dhá suíochán a choimeád.

An Clár. Tuar: FF-2 FG-2. Mar atá.

Ní féidir dearmad a dhéanamh ar Bhamjee a thóg suíochán anseo gan choinne i 1992 ach níl aon cuma air go dtárlódh a leithéid arís. Dá dtárlódh, ní fiú faic na blaganna seo!

Corcaigh Thoir. Tuar: FF-1 (-1) FG-2 (+1) LO-1.

Is féidir gurb iad an LO a bhaineas an dara suíochán ó FF anseo ach táim ag ceapadh go mbeidh FG níos láidre.

Corcaigh Thuaidh-Láir. Tuar: FF-1 (-1) FG-2 (+1) LO-1.

Deacair aon toradh eile a fhesicint anseo ach tá SF agus an PS san iomaíocht anseo freisin.

Corcaigh Thiar Thuaidh. Tuar: FF-1 (-1) FG-2 (+1). Tá vóta dochreidte ag FF anseo.

Is féidir nach gcaillfidh siad suíochán anseo in aon chor agus is faoiseamh dóibh nach bhfuil aon iomaitheoirí dáiríre ón LO nó ó SF anseo, rud a chiallaíonn gur gá go n-aistreodh daoine a thacaíocht díreach ó FF go FG. Nílim ró-chinnte go n-éireoidh le FG anseo ach táim á thabhairt dóibh ar aon nós.

Corcaigh Theas-Láir. Tuar: FF-2 FG-2 LO-1. Mar atá.

An mbeidh Kathy Sinnott san iomaíocht anseo arís? Má tá, an ndéanfaidh sin difríocht don toradh? Is féidir an cheist chéanna a chur faoi Chris O'Leary atá anois le SF.

Corcaigh Thiar Theas. Tuar: FF-1 FG-2. Mar atá.

Bhí an t-ádh dearg le FG dhá suíochán a bhaint anseo i 2007 ach beidh siad slán anois.

Dún na nGall Thoir-Thuaidh. Tuar: FF-1 (-1) FG-1 SF-1 (+1). Leis an tóin ag titim as vóta FF beidh suíochán úr nua ag SF faoi dheireadh.

Dún na nGall Thiar-Theas. Tuar: FF-1 (-1) FG-1 SF-1 (+1). An scéal ceannan céanna anseo.

Seo dhaoibh mar sin toradh an chéad toghchán eile:

FF-53 (-26) FG-65 (+14) LO-31 (+11) SF-9 (+5) PS-2 (+2) PRB-1 (+1) N-3 GF-2 (+2)

Tá na tuartha seo bunaithe ar vótaí na bpáirtithe a bheith mar seo a leanas:

FG - 30-35%

LO - 25%

FF - 20-25%

SF - 10%

eile - 5-15%

Tá rud éigin mícheart leis an gcóras nuair a fhaigheann FF 53 suíochán leis an vóta céanna a thuilleas 31 suíochán do LO, agus b'fhéidir go dtiocfaidh slua Bhamjeeanna chun cinn, ach ní féidir a bheith ag súil leo, an féidir?

Dár ndóigh, le toradh mar sin cad is fiú toghchán a bheith againn in aon chor, ach amháin díoltas beag a bhaint amach ar FF as ucht an slad atá déanta acu orainn?

Cúrsaí sa Pháil.

2010-07-13T01:32:00.002+01:00

Ag filleadh anois ar thorthaí an toghchán atá le teacht, caithfidh mé súil (nó dhó) ar chúrsaí sa phríomchathair. Ní féidir thoghchán a bhuachaint gan suíochán nó fiche a bhreith leat ansin. Seo mar a tharlós, dár liom.

Dún Laoghaire. Tuar: FF-1 (-1 ) FG-1 LO-1 PRB-1 (+1). Caillfidh an rialtas dhá suíochán anseo.

Tá laghdú le teacht ar líon na suíocháin anseo agus b'fhiú sin chun ceann a bhaint ó FF. Ní féidir a rá an Andrews nó Hanafin nó a chailleas, ach má leanann sibh na naisc, feicfidh sibh cad atá uaim mar thoradh. Tá Cuffe imithe freisin mar ní bheidh vótaí le sparáíl ag FF chun é a thogadh agus níl éinne eile chun iad a thabhairt dó. Tá lá RBB agus an SWP ar tí teacht!

Áth Cliath Iarthar-Láir. Tuar: FF-1 FG-1 (+1) LO-1 GF-1 (+1) Bainfidh FG suíochán Gogarty anseo gan stró.

Caithfidh suíochán Harney a bheith imithe freisin go háirithe nuair a cheaptar nach bhfuil suim aici fiú troid ar a shon. Ach cé a gheobhas é? Cheapfainn féin go bhfuil sé ann don páirtí a bhfuil muinín acu an dara iarrathóir a chur sa rás idir FG, LO agus fiú FF. Murach sin tá seans beag go mbainfidh SF ceann anseo, ach beag baol. Táim a bhronnadh anois ar GhanFhios.

Áth Cliath Thiar. Tuar: FF-1 FG-1 LO-1 PS-1 (+1). Athghabháil suíochán ar son na réabhlóide anseo.

Agus suíochán breise anseo, níl slí dá laghad nach bhfillfidh Joe Higgins chuig Teach Laighin.

Ath Cliath Theas. Tuar: FF-1 FG-2 LO-2 (+2). Bua mór i ndán don LO anseo.

Tá praiseach cheart déanta ag FG den dáilcheantar seo agus suíochán George Lee caillte acu. Murach sin bheadh triúir insuite acu anois agus seans maith acu iad a choimeád. Mar atá caithfidh an LO dánacht ar leith a thaispéaint anseo agus beirt a chur san iomaíocht. Cuimhnigh ar éacht Eithne agus ná déan an botún céanna arís a chomradaí.

Áth Cliath Thiar Theas. Tuar: FF-1 (-1) FG-1 LO-1 SF-1 (+1). Ceann eile anseo do SF.

Níl aon slí gur féidir le FF dhá suíochán a choimeád anseo le níos lú ná 30% den vóta.

Áth Cliath Thoir Theas. Tuar: FF-1 FG-1 LO-1 GF-1 (+1). Ceann eile do GF anseo.

Tá'n rás rite ag an Ghormfhlaitheach ach ní féidir in aon chor a thuar cé a bhaineas uaidh é. Maraon le Áth Cliath Iarthar-Láir 'sé pé acu atá muinín acu an dara iarrathóir a sheasamh a bheireas an bua.

Áth Cliath Lár Theas. Tuar: FF-1 (-1) FG-1 LO-2 (+1) SF-1. Bainfidh Eric Byrne ceann ó FF.

Tá baol anseo do SF agus is ar éigin a choimeádfaidh Ó Snodaigh a áit, ach ní féidir dhá suíochán a fheiscint do FG i mBaile Fhormad.

Áth Cliath Lár. Tuar: FF-1 (-1) FG-1 (+1) LO-1 N-1. Ardú céíme do Phascal atá i ndán anseo is dócha.

Deireadh le réim Rí na nGaimbín ach beag baol go gcaillfidh sé a shuíochán féin. Mór an trua.

Áth Cliath Lár Thuaidh. Tuar: FF-1 FG-1 N-1. Mar atá.

Tá vóta dochreidte ag FF anseo, de bharr ainm Uí hEochaidh is dócha. In aineoinn chaimiléireacht Mhic Craith, tá sé slán.

Áth Cliath Thiar Thuaidh. Tuar: FF-1 (-1) LO-1 SF-1 (+1). Bainfidh Dessie Ellis ceann anseo, faoi dheireadh!

Caithfidh titim ar vóta FF a bheith chun tairbhe SF thar FG.

Áth Cliath Thoir Thuaidh. Tuar: FF-1 FG-1 LO-1. Mar atá.

Arís anseo tá vóta dochreidte anseo ag FF rud a chinnteos go bhfuil an suíochán slán acu, fiú má éiríonn Woods as.

Áth Cliath Thuaidh. Tuar: FF-1 (-1) FG-1 LO-1 (+1) PS-1 (+1). Ceann eile don PS anseo.

Tá FF láidir anseo freisin ach fós féin titfidh an vóta fé bhun 30%, rud a chailleas an dara suíochán dóibh. Tá'n iar-ard-glasra fiuchta anseo freisin, dár liom.

Fiuchta! ASG!

Seo mar a sheasfas cúrsaí mar sin i ndiaidh teachtaí Áth Cliath a chuir san áireamh:

FF-39 (-19) FG-47 (+9) LO-27 (+10) SF-6 (+3) PS-2 (+2) PRB-1 (+1) N-3 GF-2 (+2)

Le deich ndáilcheantar le comhaireamh fós tá cuma an chéad rialtas eile le sonrú go soiléir.

Thierry An Mhí

2010-07-12T22:23:00.001+01:00

ASG!

Cobhsaíocht chloch ag dú-bhun loch.

2010-07-07T13:01:00.000+01:00

De réir an OECD, tá geilleagar na hÉireann ag cobhsú.

Cobhsaíocht chloch ag dú-bhun loch atá i gceist acu, an ea?

Má's ASG an Ghaeilge ar LOL, cad is cóir a úsáid in áit FFS?

Ag comhaireamh na suíocháin ... ar lean

2010-07-06T23:04:00.001+01:00

Gan ach moladh ón Phortingéil agam, leanfaidh mé le m'obair.

An Lú. Tuar: FF-2 FG-2 (+1) SF-1. Mar atá, ach amháin go mbeirfidh FG an suíochán nua leo.

De bharr gur toghadh Kirk mar Cheannchomhairle tá a shuíochán slán ach chomh maith le seo tá sé fógraithe ag an gCoimisiún um Thoghlaigh go mbeidh 5 suíochán i gContae an Lú amach anseo, rud a chiallaíonn go mbeidh ceithre suíocháin fós ar fáil. Murach an titim tubaisteach i dtacaíocht FF bheadh seans mhaith acu 3 as 5 a bhaint amach, ach fé mar atá cúrsaí is dócha gur ag FG a bhéas an bua an chéad lá eile.

Longfort-Iarmhí. Tuar: FF-1 (-1) FG-2 (+1) LO-1. Le titim vóta FF agus ardú vóta FG ba chóir go n-athróifidh suíochan ó cholún FF go cholún FG.

Ní féidir neamhaird iomlán a thabhairt áfach ar Sexton, ach fiú má tá vóta pearsanta aici agus farasbarr mór fágtha chuici ag Penrose, ní fhéadfainn an dara suíochán a fheiscint anseo don LO.

Luimneach Thiar. Tuar: FF-1 (-1) FG-2 (+1). Arís, le h-athrú tacaíochta caithfidh na suíocháin athrú freisin.

Is dócha nach móran tacathóirí FF a chuireas tic i mbosca na Léinte Gorma, ach ní gá go ndéanfaidis. Ní gá ach go bhfanfaidh dóthain acu sa bhaile ar an lá chun an dara suíochán a thabhairt do FG. Níl aon páirtithe nó iarrathóirí eile san iomaíocht anseo.

Luimneach Thoir. Tuar: FF-2 FG-2 LO-1. Mar atá.

Tá vóta Dilín Ó Deamhas ró-ard anseo agus fiú leis an dtitim ollmhór atá le teacht do FF, bhí beagnach 3 cuóta acu an lá faoi dheireadh. Beidh dhá ceann fós acu an chéad lá eile. Ba chóir go mbeadh iarrathóir eile ag an LO sa rás anseo, ach fiú má bhíonn, beidh sé ró-dheacair an suíochán a bhaint ó FF an uair seo.

Laois-Uíbh Fháilí. Tuar: FF-3 FG-2. Mar atá.

Beidh Cowen slán anseo go deo na ndeor, sa chaoi is go bhfuil meas ag muintir Ghori ar Dzhugashvili fós.

Cill Dara Theas. Tuar: FF-1 (-1) FG-1 (+1) LO-1. Maraon le Luimneach Thiar, ní féidir le FF dhá suíochán as trí a bhaint amach le níos lú ná 40% den vóta.

Cill Dara Thuaidh. Tuar: FF-1 (-1) FG-1 LO-1 N-1 (+1). Bainfidh Murphy an dara suíochán ó FF anseo.

Bíonn sé fíor dheacair ar neamhspleáchaí dul in iomaíocht i gcoinne na bPáirtithe ach sa chás seo is iar-theachta í Murphy agus le titim i dtacaíocht FF, ba chóir go n-éireodh lei.

Ciarraí Theas. Tuar: FF-1 FG-1 LO-1 (+1). Fillfidh Moynihan-Cronin agus is Rí na nGaimbín (nó a mhac, is dócha) a bhéas thíos leis. Tá'n vóta sin ag síor-ídiú ó 1997 i leith. Ní fhecfimid a leithéid ann arís. Insh'allah.

Ciarraí Thuaidh. Tuar: FG-1 LO-1 (+1) SF-1. Beidh toradh eisceachtúil anseo, gan aon teachta FF seolta go Teach Laighin.

I dtaobh na ceithre páirtithe bhéinn ag súil le FG le 30% nó níos mó, FF le 25% nó mar sin agus SF & LO le 20% nó mar sin. Ach beidh an 25% ag FF scartha idir beirt rud a fhágas Ferris slán agus áit do Mac an tEarraigh, nó Nia an tEarraigh ba cheart a rá. An fadhb anseo do FF ná go bhfuil sluaite Foley agus McEllistrim in adharca a chéile le cianta agus blianta, agus fiú dá gcuirfí iallach ar cheachtar acu an fhód a fhágaint, is beag baol go ndéanfaidis, rud a scoiltfeadh an vóta ar aon nós.

Gaillimh Thiar. Tuar: FF-2 (-1) FG-2 (+1) LO-1.

Éinne atá ag tabhairt aird, feicfidh sibh cad atá déanta ansin agam. Táim i ndiaidh Grealish a chomhaireamh mar theachta FF. Tá'n suíochán sin, nó ceann an Fhathaigh b'fhéidir, caillte agus is an tSeanadóir a bhéas ann amach anseo.

Gaillimh Thoir. Tuar: FF-2 FG-2. Mar atá.

Is ait an dáilcheantar é seo mar níl páirtí ar bith ann seachas FF & FG. Fiú le titim vóta FF, ní féidir liom 3 as 4 a thuar do FG. Dá mbeadh aon saghas iarrathóir dáiríre ag LO nó SF fiú bheadh seans maith acu.

Sin é mar sin agus beagnach leath den tír feicthe againn. Seo mar a sheasfas cúrsaí oíche an chomhaireamh:

FF-27 (-13) FG-35 (+7) LO-14 (+6) SF-3 (+1) N-1

Tabharfaidh mé aghaidh ar shuíocháin an phríomhchathair amárach.

Ag comhaireamh na suíocháin.

2010-07-06T00:36:00.003+01:00

Fad is atá olltoghchán ar m'intinn agam (agus tnúth go mór leis i ndáiríre) ní mór smaoineamh a dhéanamh ar cad a thiteas amach nuair a fhaigheann muid deis arís ár dtuairimí a nochtadh i leith iarrachtaí ár gceannairí.

Bhíos chun giota ghearr a scríobh ag tuaradh todhchaí toghchánaíocht ach ní mór an ceist a iniúchadh dáilcheantar ar dháilcheantar chun toradh ciallmhar a thuar. Seo mar sin mo thuairimí:

Cill Mhantáin. Tuar: FF-1 (-1) FG-2 LO-2 (+1). Caillfidh Behan an suíochán. Caillfidh Doyle freisin ach is tóin Harris a bhéas ina áit.

Bhí 38% nó mar sin den vóta ag FF i 2007 agus ní gheobhaidh siad arís é, ach ní creidim go dtitfidh siad faoi 20%, fiú le Joe Behan mar neamhspleáchaí. Tá'n suíochán amháin acu slán, ach b'fhéidir nach faoi sheilbh an Róisteach a bhéas sé i ndeireadh na dála.

Loch Garmán. Tuar: FF-2 FG-2 LO-1. Mar atá.

Bheadh seans ag an LO an dara suíochán a bhaint ó FF anseo, ach amháin leithleas Howlin. Dá mba rud é go raibh Dwyer fós le SF bheadh suíochán aige, ach mar a sheasann cúrsaí, bainfidh FF dhá cinn arís in aineoinn titim tubaisteach tacaíochta.

Port Láirge. Tuar: FF-1 (-1) FG-2 (+1) LO-1. Ní féidir le FF an dara suíochán a choimeád le níos lú na 30% den vóta.

Tiobraid Árainn Theas. Tuar: FF-1 (-1) FG-1 LO-1 (+1). Tá súil agam gur Mansergh a chailleas anseo ach níl fios dá laghad agam ach amháin gur cinnte go gcaillfidh FF ceann amháin.

Tá sé deacair a rá cé acu Healy nó Prendergast a thógas an tríú suíochán ach caithfidh an buntáíste a bheith ag an páirtí saibhir, seachas an neamhspeáchaí, mar is gnáth.

Tiobraid Árainn Thuaidh. Tuar: FF-1 FG-1 N-1. Mar atá. (Cé gur trua é go ndéantar laoch den Lobhar.)

Sligeach-Liatroim Thuaidh. Tuar: FF-1 (-1) FG-2 (+1). Beag seans go bhféadfaí SF éacht a dhéanamh anseo.

Ros Comáin-Liatroim Theas. Tuar: FF-1 FG-2. Mar atá.

Fiú leis an gCeallach acu, ní fheicim gur féídir leis an LO suíochán a bhaint anseo, mar ní féidir a bheith ag súil le go dtitfidh vóta FF faoi bhun 25%.

An Mhí Iarthar. Tuar: FF-1 (-1) FG-1 SF-1 (+1). Bainfidh Joe Reilly suíochán an Bhrádaigh.

Níl eagraíocht dá laghad ag an LO anseo.

An Mhí Oirthear. Tuar: FF-1 (-1) FG-1 LO-1 (+1). Bainfidh Hannigan suíochán Byrne.

I ndáiríre tá an t-ádh le FF gur scoilteadh an Mhí ina dhá leath i 2007, mar dá mba rud é go raibh dáilcheantar amháin ann anois is FF-1 FG-2 LO-1 SF-1 a bheadh mar thoradh.

Maigh Eo. Tuar: FF-1 (-1) FG-3 LO-1 (+1). Caillfidh FF ceann anseo.

Le Flynn san áireamh ní raibh ach 34% den vóta ag FF anseo agus tiocfaidh titim eile ar sin. Ní féidir leo dhá suíochán a bhaint amach agus níos lú na 25% den vóta acu. Fillfidh Cowley arís chuig Teach Laighin.

Is leor sin mar obair d'aon oíche amháin. Le deich ndáilceantar déanta agam, seo mar a sheasann na páirtithe:

FF-11 (-7) FG-17 (+2) LO-7 (+4) SF-1 (+1) N-1

Gach buíochas le suíomh iontach www.electionsireland.org

Ag comhaireamh na laethannta.

2010-07-01T13:19:00.000+01:00

Ó tháinig an rialtas seo i réim trí bliana ó shin, tá an fiachas náisiúnta méadaithe fá dhó acu. Tá dífhostaíocht méadaithe fá thrí acu. Tá sé deacair a thuar cad go bhféadfaidis a dhéanamh anois chun an scéal a chur chun olcais arís. Ionradh a dhéanamh ar an Rúis?

An mbeidh sochaí fágtha againn nuair a bheidh Grianna Fáil curtha as oifig? An féidir dhá bhliain eile a sheasamh?

Smionagar Tráthúil.

2010-06-24T12:49:00.000+01:00

Ar chuardach cáipéis ar mo ríomhaire dhom ansin, thánagthas ar an íomhá tráthúil seo:

ASG, mar a dheireann Áine.

Athghabháil na Sé Chontae?

2010-06-22T10:57:00.000+01:00

Bhain an ceannteideal thuas geit asam nuair a chonacthas é. An é go bhfuil Na Glasraí níos glaise ná mar a cheapas? Mo léan, ní hea. Níl ann ach Uí Ghormfhlaith ag cur i gcéill arís nach ag cuidiú le scriostóirí na tíre atá sé.

Ní uasal ná íseal ach thuas seal thíos seal ...

2010-06-17T22:44:00.001+01:00

Más míbhuntáiste cúram leanaí na gur gá a leithéidí Furry Vengeance a fhulaingt ó am go chéile, ar a laghad tá faoiseamh ann nuair a fhásann siad aníos. Le déagóirí tagann MTV, ach ní mar a bhí tráth dá raibh. Anois tá leath-dosaen stáisiúin ann, gach ceann lena cheol áirithe féin, ceol nach gcloisfeá aon áit eile, mar níl am agat a thuileadh éisteacht le ceol. Fágtar an teilifís ag breathnú air féin leath den am, rud a chuireann buile orm, ach ó am go chéile feicim rud éigin a bhaineann geit asam, i measc truflais Miley Cyrus agus a leithéidí. Seo dhaoibh mar sin Monáe.

Thar barr.

Díoltas Clúmhach

2010-06-14T19:52:00.002+01:00

Bhí ceiliúradh bhreithlá mo mhaicín cúpla lá ó shin agus chuamar chuig an bpictiúrlann. Chonacamar Furry Vengeance agus ní áibhéil í a rá gurb é an scannán is measa atá feicthe agam riamh. Bhí gnéithe ann nach mbeithfeá ag súil leo i scannán dírithe ar leanaí - ciníochas i gcoinne Sínigh and Indiaigh agus blúirín beag aoisíochas ann chomh maith chun an masla a dháileadh níos faide. Tá an cuma air go raibh meisce ar an eagarthóir mar thárla eachtraí nár bhain aon ciall leo i gcomhthéacs an scéil, ach i ndáíríre ní fhéadfaí scéal a ghlaoch ar an bpraiseach mar a léiríodh é.

Bhí cuid beag aisteach ag an deireadh nuair a rinne na aisteoirí scigeadh as físeáin popcheoil ag úsáid Insane in the Brain, le Cypress Hill.

Is trua nár úsáideadar A to the K.

Coir i gcoinne na daonnachta atá sa scannán seo a chairde.

An dea-fear Íosa agus an bithiúnach Críost.

2010-06-03T11:06:00.003+01:00

Leabhar gearr de chuid Philip Pullman é seo a léigh mé le cúpla lá anuas agus cé gur imigh sé i bhfeidhm orm in áiteanna, ní fhéadfainn a rá gur athraigh sé m'intinn i dtaobh chreidimh ár sinsir. Dár ndóigh, ní rabhas ag súil go ndéanfadh.

Athinsint ar na soiscéil atá ann agus cé nach bhfuil dóthain feasacht nó aithint agam ar Maitiú, Marcas, Lúcás ná Eoin a rá go díreach cén scéal a leanadh, chuir sé ionadh orm an méid a bhí cur amach agam air. Is léir go bhfuil sé éasca éifeacht dhoimhneacht thobair na críostaíochta ar ár gcultúr iartharach a dhearmadú, go háirithe sna laethanna aindiacha seo.

Gan an scéal a mhilleadh ar éinne is leor a rá go ndéanann Pullman an scéal a insint ar shlí a samhlaíonn gur cúpla a bhí ag Muire sa stábla, Íosa agus a dhearthair Críost, mar a thug Muire ar a rogha den beirt. Leantar scéal saoil an beirt de réir (is dócha) mar a leagtar amach sna soiscéil é (iad) ach amháin go mbíonn beirt i gceist - an Fáidh cáiliúil agus a dheartháir ciúin. Ach féach fiú a bhfuil scríofa ansin agam

ach amháin go mbíonn beirt i gceist

Cá bhfios nach raibh? Mar atá clóite ar chúlchlúdach an leabhair

This is a story.

Dár ndóigh sin ceann de phríomhphointí an scéil. Níl ann ach scéal, cé nach hé sin le rá nach bhfuil brí chumhachtach le baint as, ach a bheith cúramach gan iomarca áird a dhíriú ar an ndraíocht is dócha.

Cheapas go raibh sé aisteach freisin gurb ón scannán iomráiteach seo atá íomhánna an am i m'inchinn agam, in ionad samhlaíocht trom an Eaglais a sádh ar leanaí sna scoileanna tráth dá raibh. Más ar son ómós agus móradh an Eaglais agus naofacht an Fhocail a chosaint ó scigeadh, magadh agus dímheas a chuireadh cosc air, tuigim go maith cén fáth gur cuireadh. Smaoinigh ar laigeacht an chreidimh a bhí acu a rinne a leithéid áfach, gur cheap siad go bhféadfaí sean-anáil an chríostaíocht a athbheochanú le dlí. Cuirfeadh sé scéal Íosa ag smachtú an stoirm (nach bhfuil i soiscéal Phullman, dála an scéil) ar intinn dom:

Ná fuil creideamh agaibh fós?

Tá líne amháin i saothar Phullman a gcuimhneoidh mé go lá mo bháis agus táim cinnte gurb é an líne chéanna a bhaineadh éinne eile as mar chogar cuimsitheach an leabhair ach nílim chun an leabhar a mhilleadh oraibh trína lua anseo!

Tá tús curtha anois agam le A History of Christianity le Diarmaid McCulloch, ach ná bígi ag súil le trácht anseo air, mar tógfaidh sé an samhradh iomlán an méid sin a slogadh siar.

Fíor nó bréagach?

2010-05-25T19:51:00.006+01:00

Rinneas tagairt thíos don hoiméapaite agus tá ceist ann dár liom faoina éifeacht, ach níos tábhachtaí fós, faoin fáth a bhaineann le haon éifeacht atá le sonrú. Ní féidir a shéanadh go bhfuil muinín ag roinnt daoine ann mar leigheas ar chuile saghas tinneas ach ní hé sin le rá go n-oibríonn sé mar a mhaítear.

Ar an chéad dul síos, tá an teoiric atá mar bhunús don hoiméapaite seafóideach ann féin. 'Sé sin gur féidir le rian bídeach de rud a chuirfeadh tinneas áirithe ar duine atá in iomlán a sláinte a mhalairt a dhéanamh ar duine atá an tinneas acu. Tá sé deacair a thuiscint cad a bhí ar intinn Hahnemann nuair a nochtaigh sé an smaoineamh seo ach b'fhéidir go raibh fealsúnacht déachúil imithe i bhfeidhm air?

Pé rud a bhí ar intinn aige, is fiú scrúdú níos doimhne a dhéanamh ar cad go díreach atá i gceist le rian bídeach. De réir teoiric hoiméapaiteach, a laghad an rian, is treise a chumhacht chun leigheas. 'Séard a dhéanann siad mar sin ná an leigheas a laghdú nó a chaolú in uisce arís agus arís eile go dtí nach bhfuil oiread is móilín amháin den substaint fágtha. Dár leo, tá athshondas fuinnimh an substaint san uisce fiú mura bhfuil an substaint féin ann a thuileadh, agus is leor seo chun biseach a chur ar an othar. Sin an dara buile seafóideach.

Tá hoiméapaite á fhorbairt ó thús an naoú céad déag i leith agus caithfear an bhunús a athdhreachtú ó am go chéile chun fíor-thuiscint an domhain mar a fheictear do eolaithe a thabhairt san áireamh. Le déanaí is an teoiric candam a nasctar leis an bún-chreideamh chun cuma fiúntach a thabhairt don saothar. Ar deireadh, má bhreathnaítear ar an hoiméapaite mar reiligiún agus na smaointe seafóideacha thuasluaite mar soiscéil Hahnemann, feictear dualgas a chléir ag síoroibriú chun dílseacht a chreidmhigh a chaomhnú agus bun-smaointe Hahnemann a choimeád slán. Dár ndóigh, tá an meon seo ag teacht trasna go hiomlán ar an modh eolaíoch - níl rud sa chruinne a athródh dearcadh na ndílseoirí i leith Hahnemann agus a chóras. Sin an triú buile seafóideach.

Seo mar a thárla eachtra dúinn féin bliain nó dhó ó shin a chur ag smaoineamh mé faoin hoiméapaite. Gach Samhradh fulaingíonn mo mhacsa le fiabhras léana. B'fhéidir nach céasadh Aonghus é, ach b'fhéidir gurb ea, mar níl sé mar nós aige gearán a dhéanamh, ach fós féin feictear na súile ag silleadh agus caithfimid rud éigin a dhéanamh dó. Tá colceathar aige i bPort Láirge a bhfuil an fadhb céanna aige agus thug a thuistí cuairt ar lia hoiméapatach le toradh dochreidte - biseach láithreach. Bhuel, in aineoinn mo sceipteachas féin, ní amadán iomlán mé agus má tá ag éirí le cúrsa áirithe, cén dochar triail a bhaint as?

Thug mo bhean cuairt ar lia sa bhaile seo'gainne agus tháinig abhaile le buidéal bheag de tháibléid Euphrasia agus treoracha conas iad a thabhairt don fear óg. Bhí orainn iad a bhriseadh i leath agus leath amháin a thuaslagadh in uisce. Dúradh lei a bheith fíor cúramach faoin méid uisce a úsáidtear. 10ml amháin a mholadh agus gan níos mó a úsáid ar eagla go mbeadh níos mó uisce ró-chumhachtach, de bharr teoiric amaideach Hahnemann. Leanamar na treoracha ar feadh cúpla lá, ach ní raibh éifeacht ar bith.

"Cad atá cearr?" a cheapamar. "Tá'n Euphrasia céanna ag déanamh an beart don Déiseach."

Isteach ar Google liom áit a fheicim go bhfuil bunús le húsáid Euphrasia mar leigheas don fhiabhras léana. Cén fadhb a bhí ann mar sin? An treoir seafóideach hóimeapatach gan ach leath thaibléad a úsáid. Dar lei, a laghad is fearr. Chun éifeacht níos chumhachtach a fháil ba chóir dúinn ceathrú táibléad a úsáid, de réir teagasc Hahnemann. Ní sin a rinneamar áfach. Thugamar táibléad iomlán dó agus rinne sin an beart.

Ag smaoineamh anois air, tá dhá mhiniú gur féidir baint as a thárla.

1) Is táibléid hóimeapatach a bhí againn, sé sin le rá, ní raibh iontu ach siúcra agus ba chuma dá dtabhairfaimid 100 cinn dó, ach amháin b'fhéidir an droch tionchar ar a fhiacla. Ní féidir liom teacht ar an mbuidéal anois agus nílim cinnte an iad seo a bhí againn, ach ceapaim gurb iad. Ní féidir a thuiscint cén fáth ar oibrigh an táibléad iomlán más iad.

2) Fuair sé faoiseamh de bharr an leacht Zirtek a thugann muid fós dó gach maidin i rith an tsamhraidh. Dála an scéil, mura bhfaigheann sé an Zirtek céanna ar feadh cúpla lá, filleann an fiabhras air go tromchúiseach - níl amhras ar bith ann gur fiú an Zirtek.

Uathachas agus MMR.

2010-05-24T12:21:00.004+01:00

In aineoinn teideal mo bhlag, is annamh a dhéanam tagairt ar bith don uathachais nó na conspóidí a ghabhann leis, ach feicim inniu go bhfuil an Dr Wakefield scriosta ón gclár ag an GMC i Sasanna. An Mr Wakefield a thugfar air as seo amach?

B'é Wakefield an duine a chur tús leis an agóid i dtaobh an instealladh MMR nuair a léirigh i 1998 sé go raibh baint aige leis an bhfás a tháinig ar rátaí uathachais ar fud an domhain. Bhuel, sin a mhaígh sé ar aon nós, agus, ba leor sin roinnt tuistí a scanradh agus tháinig laghdú mór ar líon na leanaí a ghlac an instealladh céanna. Tháinig ardú suntasach freisin i líon na leanaí a fhaigheann bruitíní agus caithfidh Wakefield roinnt den fhreagracht a ghlacadh as ucht sin.

Ó thús áfach, níor ghlac triomlach na n-údáráis sláinte lena obair agus d'fhoilsíodh roinnt taighde a léirigh nach raibh baint ar bith idir MMR agus Uathachas agus deirtear go bhfuil an córas imdhíonadh sábháilte chomh maith. Is fíor a rá áfach, nach bhfuil taighde doshéanta ann fós a léiríonn sábháilteacht an chórais imdhíonadh do ghach éinne, go háirithe leanaí a bhfuil uathachas láidir ina gclainn cheanna féin.

Dár ndóigh níl taighde ann ach oiread a léiríonn cad ba chúis le huathachas agus cén fáth go bhfuil ardú dochreidte tagtha ar a leitheadúlacht le fiche bliain anuas, agus go dtí go bhfuil, beidh an éiginnteacht ann ag cur brú ar thuistí agus tá sé níos éascaí ansin do chaimiléirí airgead a ghearradh orthu chun gach saghas bréag a dhíol.

Mar a thárlaíonn, tá aithne agam ar na daoine a fhoilsíonn an suíomh www.autismsupport.ie agus caithfidh mé a rá nach gcuireann sé ionadh in aon chor orm go bhfuileadar sásta a leithéid de chacamais a fhoilsiú ag cur ina luí ar thuistí gurb fhiú Reiki nó Homeopathy a thriail. Is maslach an teachtaireacht í seo agus léiríonn sé domsa nach bhfuil meas muice acu ar an fhírinne, ach tá sé níos náirí fós go bhfuil an rialtas ag caitheamh bhur airgead ag tacú leo.

Luath nó mall, tá a lá ag teacht, mar a tháinig lá Wakefield ar deireadh, inniu.

Aththosnú an fheachtais.

2010-05-21T09:43:00.004+01:00

Mar is eol daoibh chaith mé Mí nó mar sin i bhfad ó baile le déanaí agus bhí orm stad a chur le fheachtas smachtú na blonaige. Ó thús bliana i leith d'éirigh thar barr liom mar a léirítear thuas agus inné shuí mé ar ais ar an ndiallat don chéad uair i seachtainí fada. Bhain mé an 33km amach i 79 nóiméad agus bhíos sásta le sin, cé go bhfuil mé in ann cúig nóiméad ar a laghad a bhaint ón am sin, nuair atá mé imithe i dtaithí arís ar an obair.

Is ait an rud é, ach bhíos ag súil le ardú éigin sa mheáchan mar thoradh ar an easpa rothaíocht ach mar a thárla, chaileas dhá kg sa bhreis. Is dócha gurb é an fáth le seo ná gur chaith mé roinnt den am ar Mars i mo sheasamh, in ionad is a bheith sáite suite ós comhair scáileán ar thóir bits 'n' bytes.

Tá sé mar chuspóir anois agam 5kg eile a chailliúnt rud a fhágas ar 75kg sláintiúil. Ansin beidh mé réidh chun mó leabhar a scríobh "D'Íocas le fhíocas". Má éiríonn leis b'fhéidir go ndéanfaidh mé aistriúchán air "Piles after Miles".

Mí ar Mars

2010-05-18T11:53:00.011+01:00

Mo leithscéal as ciúnas na háite le déanaí ach tá mé díreach i ndiaidh filleadh ó thuras fada go domhain iomlán éagsúl. Bhíos ar cuairt ann don mórchuid agus fearadh gach fáilte romham, ach rinneas roinnt obair ann freisin chun triail a bhaint asam féin. Thaithin an domhain úr nua seo go mór liom agus tá sé ar intinn agam filleadh arís air sar i bhfad, ach go dtí sin tá mé ar ais i measc cacamais lofa an tíogair.

Is ait an rud a rá é, ach cé go bhfuil muintir Mhars in ainm is a bheith soineanta, tá clisteacht ar leith iontú i dtaobh cóir agus éagóir agus is maith a thuigeann siad cothrom na féinne. Is deacair a rá mar sin cad a cheapfadh siad faoi sliocht Éirinn, an clann a dhíol a máthair, ach ní raibh sé de mhíbéasaí agam a leithéidí a lua leo.

Luan Cásca

2010-04-05T22:03:00.001+01:00

I have met them at close of day
Coming with vivid faces
From counter or desk among grey
Eighteenth-century houses.
I have passed with a nod of the head
Or polite meaningless words,
Or have lingered awhile and said
Polite meaningless words,
And thought before I had done
Of a mocking tale or a gibe
To please a companion
Around the fire at the club,
Being certain that they and I
But lived where motley is worn:
All changed, changed utterly:
A terrible beauty is born.

That woman's days were spent
In ignorant good-will,
Her nights in argument
Until her voice grew shrill.
What voice more sweet than hers
When, young and beautiful,
She rode to harriers?
This man had kept a school
And rode our winged horse;
This other his helper and friend
Was coming into his force;
He might have won fame in the end,
So sensitive his nature seemed,
So daring and sweet his thought.
This other man I had dreamed
A drunken, vainglorious lout.
He had done most bitter wrong
To some who are near my heart,
Yet I number him in the song;
He, too, has resigned his part
In the casual comedy;
He, too, has been changed in his turn,
Transformed utterly:
A terrible beauty is born.

Hearts with one purpose alone
Through summer and winter seem
Enchanted to a stone
To trouble the living stream.
The horse that comes from the road.
The rider, the birds that range
From cloud to tumbling cloud,
Minute by minute they change;
A shadow of cloud on the stream
Changes minute by minute;
A horse-hoof slides on the brim,
And a horse plashes within it;
The long-legged moor-hens dive,
And hens to moor-cocks call;
Minute by minute they live:
The stone's in the midst of all.

Too long a sacrifice
Can make a stone of the heart.
O when may it suffice?
That is Heaven's part, our part
To murmur name upon name,
As a mother names her child
When sleep at last has come
On limbs that had run wild.
What is it but nightfall?
No, no, not night but death;
Was it needless death after all?
For England may keep faith
For all that is done and said.
We know their dream; enough
To know they dreamed and are dead;
And what if excess of love
Bewildered them till they died?
I write it out in a verse -
MacDonagh and MacBride
And Connolly and Pearse
Now and in time to be,
Wherever green is worn,
Are changed, changed utterly:
A terrible beauty is born.

Dul chun cinn go dtí seo.

2010-04-04T21:23:00.003+01:00

De bharr brú oibre agus staidéir is beag rothaíocht atá déanta agam le seachtain anuas. I ndiaidh mo bhricfeasta (cúpla céad gram de seacláid, mar a thárla) bhuaileas an bhóthair agus rinneas an gnáth 33km i 77 nóiméad. Táim in ann an aistear sin a dhéanamh i 74 nóiméad anois ach caithfidh a bheith ag súil le tionchar éigin ón seacláid is dócha. Fós féin, is cosúil gur leor aistear amháin in aghaidh na seachtaine chun obair na míonna go dtí seo a chaomhnú - táim greamaithe ar 83kg le seachtainí anois, 11kg níos eadroma ná mar a bhíos ag tús na bliana.

Seo dhaoibh.

2010-04-02T22:17:00.003+01:00

Níl sé ceadaithe, de réir dealramh, an físeán seo a uaslódáil ar youtube nó aon áit cosúil leis, ach is féidir é a chur anseo ar fáth éigin. Tá súil agam nach mbrisfidh 'Na Feds' mo dhoras isteach orm dá bharr!

Bainigí sult as.

Ullamh a pháistí?

2010-03-31T23:59:00.000+01:00

Tá sé deacair a chreidiúint go bhfuil éinne nach n-aithneodh Spongebob dá mbuailfidís leis, ach ar mhaithe Áine, atá tar éis roinnt mhaith da saol a chaitheamh ar thaobh dhorcha an Ghealaigh is cosúil, rinne me iarracht tús an chláir a uaslódáil go youtube. Faroar, cuireadh cosc orm, de bhrí cóipcheart Viacom. Cuirfidh mé ar piratebay.org é amach anseo.

N'fheadar cén fáth a bhfuil Gaeilge ag Spongebob agus a cháirde? An bhfuil baint éigin aige le seo?

Seo fíor léarscáil na tíre:

Cé hé cara cléibh Patrick Star?

2010-03-29T22:51:00.005+01:00

Ullamh a pháistí?

Aidhe aidhe Captaen!

Níos airde fiú!

AIDHE AIDHE CAPTAEN!

Ó, cé a chónaíonn in anann ar bun an aigéin?

SPONGEBOB SQUAREPANTS!

É súiteach 's buí agus póiriúl ann féin?

SPONGEBOB SQUAREPANTS!

Más amaidíocht mhara atá uait i do chroí

SPONGEBOB SQUAREPANTS!

Bhuel suas ar an deic agus téimis ag spraoi!

SPONGEBOB SQUAREPANTS!

SPONGEBOB SQUARE-PANTS!

Lá 'le Pádraig sna hArda

2010-03-17T15:51:00.004Z

Thug mé aghaidh ar na cnoic inniu, don chéad uair i mbliana. Aistir réasúnta ghearr atá i gceist de 22.5km nó mar sin. Thóg sé 85 nóiméad orm an méid sin a dhéanamh, rud a scriosfadh mo staitisticí dá gcuirfinn san áireamh é. Don chéad fiche nóiméad bhíos ar na bóithre fós, cé nach bóithre mhaithe ab iad, ach ar feadh deich nóiméad nó mar sin den fiche sin bhíos i mbun dreapa millteanach ag seasamh ar na troitheáin, mo scámhóga ar nós seolta ag alpadh gaoithe, mo chroí ar tí phléascadh agus gan níos mó na 6km san uair de luas fúm. Faoin am a shroicheas barr an dreapa sin bhíos traochta agus cé go raibh bothar mín réidh romham ar feadh cúpla km, bhí mo chosa imithe ar fad. Fós féin, táim sásta gur éirigh liom é a dhéanamh, mar tá sé tárlaithe amannta eile gur thosaigh mé an dreapa áirithe sin agus bhí orm stopadh. Is comhartha maith é sin go bhfuil mé aclaí arís!

Isteach ansin sa choill liom agus tuilleadh dreapadh, ach anois ar loirg clochacha atá leagtha ag Coillte Teo. chun go mbéidis in ann innealra trom a úsáid i mbaint na gcrainn. Tá ciorcad de 6km i gcesit timpeall na coille agus tá radhairc álainn de dheisceart Ascall na nGall ann. Níl mo cheamara ró mhaith agus ní léiriú mhaith ar fhairsinge an radharc an griangraf thíos.

Tá súil agam go bhfuil sé soiléir go bhfuil airde éigin bainte amach agam! Cé gur thóg sé 85nóiméad an aistir a dhéanamh chaith mé 10 nóiméad ar a laghad ag griangrafadóireacht agus nuair a dhéanam an aistir arís (Dé Domhnaigh b'fhéidir) bhéinn ag súil é a dhéanamh i 70 nóiméad nó mar sin. Fan go bhfeicimid.

Tá fothracha tí ann freisin. Níl stair na scéal na háite in aon chor agam, ach déanfaidh mé taighde ar an ábhar amach anseo.

Seachtain na Gaeilge

2010-03-09T16:03:00.002Z

Tá Seachtain na Gaeilge buailte arís orainn, ócáid bhliantúil a leanann seachtain go leith i mbliana, de réir dealramh. Molaim a iarrachtaí Gaeilge breo bríomhar a chur ós comhair an phobail agus tá sé deacair an dea-éifeacht a bhíonn aige ag ardú (no b'fhéidir gurb fhearr caomhnú a rá) stádas na teangan anseo in Éirinn agus thar lear a shéanadh, bíodh is gur deacair b'fhéidir an éifeacht sin a thomhas go cruinn.

Caithfidh mé a adhmáil, cé go bhfuil Gaeilge líofa agam (dár liomsa ar aon nós!), go bhfuil laigeacht i mo chuid Gaeilge ó thaobh na gramadaí de, agus gurb é sin ceann de na príomh-fháthanna gur roghnaigh mé mo bhlagadóireacht a dhéanamh i nGaeilge. Ó d'fhágas an scoil is dócha, 'séard atá in easnamh ná taithí labhartha agus scríofa agus bainim an-tairbhe as idirghníomhaíochtaí anseo i mo chúinne féin den idirlíon.

Mar sin, is minic a dhéanaim athbhreathnú ar a bhfuil foilsithe agam, agus is annamh nach bhfeicim botún éígin i chuile phost, cé go bhfuil súil agam go bhfuil feabhas éigin le sonrú. É sin ráite áfach, ag breathnú ar iarracht an lae inné tá ceist gramadaí agam, ag díriú ar an abairt seo:

... tá sé éasca dearmad a dhéanamh gur seomra breise í é an ~~gháirdín~~ gairdín i rith an ~~samhradh~~ tsamhraidh, agus táimid sásta í é a bheith arís againn.

An bhfuil botúin eile ansin a cháirde? An bhfuil mo cheartúcháín i gceart? Má tá fiche botúin eile ann abair amach iad!

An ceist a bhí agam ná cad ba chóir a úsáid, 'é' nó 'í' sa chás seo:

... tá sé éasca dearmad a dhéanamh gur áis bhreise é/í an gairdín ...

'Sé sin le rá, an bhfuil an 'é/í' ag tagairt do 'áis' nó 'gairdín'?

Tiocfaidh Samhradh agus Fásfaidh Féar

2010-03-07T22:49:00.003Z

Cé go bhfuil sé fuar fós, tá sé tirim grianmhar agus bhí crónan na lomairí faiche le chloisint timpeall orainn le seachtain bheag anuas. Is portach cheart í and gháirdín s'againnse agus de ghnáth ní imímid amach ann go dtí deireadh Mí Márta nó Aibreán fiú, ach leis an ghrian ag taithneamh, cuireadh brú orm an féar a bhaint agus an trampoline a shocrú dos na páistí. Bhí drogall orm, mar de ghnáth, bheadh mé sáite go mhurnán i láib agus salachar (cacamais an mhadaigh san áireamh) ag iarradh é a dhéanamh chomh luath sa bhlian.

Ach iontas na n-iontais, bhí an talamh tirim, cé nach mbaineann an ghrian an drúcht ón bhféar fós, agus tá dea-chuma anois ar an gháirdín agus muid lán sásta na ógánaigh a scaoileadh amach. I rith an gheimhreadh tá sé éasca dearmad a dhéanamh gur seomra breise é an gairdín i rith an tsamhraidh, agus táimid sásta é a bheith arís againn.

Agus mé ag trácht ar chúrsaí gharraíodóireachta, tá ceist agam oraibh.

Is aoibhinn liom cumhracht chumhachtach an aitinn agus de bharr sin, bhailigh mé roinnt síolta ón thimpeallacht ag deireadh an tsamhraidh seo chaite. Chuireas sa gháirdín iad ar nós go mbeadh claí bheag agam ós comhair an tí. Bhíos ag súil go dtagadh fás éigin anuraidh, ach níor tháinig. Tá cúpla ghais ag teacht aníos i mbliana, ach táid fíor bheag fós, níos lú ná 10cm go dtí seo. Cheapas go dtagadh fás fíor-thapaidh orthú agus go mbeadh fadhb agam smacht a choimeád orthú, mar timpeall ar bhóithríní amach fán dtuath in aice linne, táid go h-iomlán i réim. An é b'fhéidir nach n-oireann an cré atá agam dóibh, nó an gnáthach an tús mall seo? B'fhéidir freisin gur thóg mé na síolta ró luath ó na claíthe? Fáilte roimh ghach chomhairle.

Is liomsa é?

2010-03-02T17:44:00.001Z

Daoibhse atá i bhur gcónaí in Éirinn ní fhéadfadh sibh ach an fheachtas seo a fheiscint go laethúil ar na meáin uile. Is beag aird a thug mé dó go dtí gur fhoilsigh Hugh Green a thuairim féin.

Cé atá i mbun an fheactais? Máirtín Mac Giolla Íosa, céile ár Uachtarán, atá luaite san alt ó RTÉ thuas agus is cosúil gurb é bun-thobar na meithle. Ach cén fáth go mbeadh Máirtín chomh tógtha le cruachás an náisiún? Nach bhfuil a dóthain le déanamh aige galf a imirt leis na dúnmharaithe agus mangairí drugaí san UDA? Quis Separabit?

B'fhéidir go bhfuil baint éigin le deireadh théarma a bhean atá le tárlú i 2011? B'fheidir go dtaithníonn an teach mór leo agus 'séard atá i www.yourcountryyourcall.com ná tús ar fheachtais thoghcháin. Más ea, is léir go bhfuil roinnt cáirde mór le rá aige agus roinnt acu sásta a n-ainm a chur leis an saothar. Táid chomh sásta go bhfuil siad tar éis €2mn a chuir ann, agus má fheiceann sibh an fógraíocht, tuigfidh sibh go bhfuil an airgead á úsáid go flaithiúlach acu.

Ón nasc thuas feictear go bhfuil iar cheannaire Banc na hÉireann bainteach leis. Tá Drury Communications (bunaithe ag cara buan ár dTaoiseach, Fintan Drury) páirteach freisin. Dála an scéil bhí Fintan úd mar stiúraitheoir ar Anglo ar feadh roinnt blianta freisin.

Ach fan, tá nascanna suimiúla eile ann. Cé ar leo an URL yourcountryyourcall.ie?

domain:      yourcountryyourcall.ie
descr:       Allied Irish Banks plc
descr:       BODY CORPORATE (LTD,PLC,COMPANY)
descr:       Discretionary Name
admin-c:     AJZ344-IEDR
tech-c:      AJS558-IEDR
renewal:     13-November-2010

FFS!

Hmm. Le cáirde mar seo ... mar a dheirtear sa Sacs-Bhéarla.

Ní hé seo le rá nach fiú an suíomh. A mhalairt atá i gceist. Is ábhar grinn iontach atá ann, cé gur cúis buartha dhom é an oiread amadáin agus oinsigh atá sa tír agus iad lán-sásta a n-oinseachas a léiriú dúinn.

Is liomsa é? Ní liom. Is le na bancanna é. Maraon leis an rialtas.

Tuairisc Míosúil

2010-02-28T21:48:00.000Z

Le deireadh an dara mí sroichte agam is féidir liom a rá go bhfuil dul chun cinn suantasach déanta agam. 85kg atá ionam anois, sé sin 9kg caillte ó thús bhliana agam. Táim sásta le sin, ach amháin gur cailleadh 6.5kg i Mí Eanáir agus 2.5kg i Mí Feabhra. Táim i ndiaidh turas níos faide (33km) a chur ar mo chlár seachtanúil, ach ó bhíos fíor ghnóthach le dhá seachtain anuas, agus níor éirigh liom ach dhá turas in aghaidh na seachtaine a dhéanamh, tá seans ann nár bhain mé an oiread tairbhe as an aistriú sin fós.

Ag breathnú ar na staitisticí is soiléir go bhfuil feabhas mór tagtha ar an luas méanach atá fúm ó thúṡ bhliana i leith. An t-aon slí ciallmhar eolas a bhaint astú ná an fad iomlán a roinnt ar an am iomlán gach seachtain. Sa chéad seachtain bhíos in ann 394 méadar a dhéanamh gach nóiméad. Le déanaí tá 426 méadar sa nóiméad ar mo chumas agam!

Fós féin, ní féidir ach a bheith sásta lena bhfuil bainte amach go dtí seo agam. Dá gcaillfinn 9kg eile ó seo go Lá Buí Bealtaine, bhéinn lúcháireach tríd is tríd.

Dilín Ó Deamhas Ó Deamhas ...

2010-02-19T10:22:00.007Z

Dilín Ó Deamhas O'Dea,
Dilín Ó Deamhas Ó Deamhas Ó Deamhas Ó,
Dilín Ó Deamhas O'Dea.

Chuirfinn mo rún chun suain,
Chuirfinn mo rún 'na luí,
Chuirfinn mo rún chun suain go ciúin,
Le Dilín ó Deamhas O'Dea.

Dilín Ó Deamhas Ó Deamhas
Dilín Ó Deamhas O'Dea,
Dilín Ó Deamhas Ó Deamhas Ó Deamhas Ó,
Dilín Ó Deamhas O'Dea.

Is buachaill aniar aniar,
Is buachaill aniar an fear,
Is buachaill aniar aniar aniar,
'S is cailín ón sliabh a bhean.

Dilín Ó Deamhas Ó Deamhas
Dilín Ó Deamhas O'Dea,
Dilín Ó Deamhas Ó Deamhas Ó Deamhas Ó,
Dilín Ó Deamhas O'Dea.

Caithimis 'mach 'samach é,
Caithimis 'mach an páiste,
Caithimis 'mach is'mach is'mach é,
'Sní thiocfaidh sé 'rais amárach.

Chuir eachtraí an lae inné an fonn seo in iúil dhom ar fáth éigin. Is cuimhin liom é a fhoghlaim ar scoil ach gan brí ar bith des na focail a thuiscint. Ag breathnú anois air áfach, nach soiléar gur faoi buaileadh craiceann nó marcaíocht atá sé?

Más ea, tá sé níos oiriúnaigh arís mar go raibh an bastún úd ag focáil an tír iomlán le blianta fada anuas.

Bhuel tá coiscín ar an mBoidín anois. Go bplúchfaí é.

De réir a chéile a chailltear an mhisnigh.

2010-02-15T20:35:00.000Z

Tá sé seachtain curtha isteach agam ar bhóithre agus cúlbhóithre timpeall na háite agus caithfidh mé a admháil nach bhfuil ag éirí liom a thuilleadh mar a bhí ag súil liom. San chéad ceithre seachtain laghdaigh mé ó 94kg go 87.5kg agus bhíos lán sásta le sin. Ó shin i leith áfach, is scéal eile atá le feiscint.

Níl ach .5kg breise caillte agam, cé go bhfuil an trí turas in aghaidh na seachtaine fós á dhéanamh agam. Dé hAoine seo chaite, réitigh mé gur an fhadhb ná go bhfuil sé ró-éasca dhom anois an 25km a dhéanamh ar an bóthar leathan réidh agus gurb fhearr dhom cúrsa níos deacra a thriali. Beidh sé níos éascaí a leithéid a dhéanamh nuair a thagann fad breise san lá, mar níl sé sábháilte a bheith ar na cúlbhóithre i ndiaidh teipeadh sholais na gréine. Tá 33km á dhéanamh anois agam ach is ar dhrochbhóithre cnocach atá 4km nó mar sin den aistir. An chéad lá thóg sé 15 nóiméad orm an méid sin a dhéanamh, rud a dhearbhaigh dhom go raibh an gnáth aistir éirithe ró-éasca.

An dara lá áfach, d'éirigh liom an méid sin a dhéanamh i 12 nóiméad agus 80 nóiméad don 33km iomlán. Tá sé seo beagnach mar an gcéanna leis an 25km san uair atá taithí agam anois air. Hmm. Caithfidh mé súil a choiméad ar seo ar feadh an dhá seachtain atá fágtha i Mí Feabhra. Beidh sé díomach mura n-éiríonn liom 3kg nó mar sin a chailliúnt i ndiaidh an tréaniarracht a dhéanamh.

Dár ndóigh ní raibh mé ag súil go gcaillfinn 6kg gach Mí, ach bhíos ag súil le 6kg a chailliúnt i Feabhra agus Márta le chéile. Mura n-éiríonn liom é sin a dhéanamh, nílim cinnte cad ba chóir dom a dhéanamh? Níl an t-am agam níos mó ná trí oíche sa seachtain a thabhairt don fheachtais. Fáilte roimh gach comhairle ...

Athionsaí na Luch

2010-02-08T22:27:00.006Z

Táid ar ais. Mharaíomar ceann roimh an Nollaig ach níor insigh mé di féin é, agus ní raibh a fhios aici go rabhadar ar ais go dtí an seachtain seo chaite nuair a bhí rince agus spraoi ar siúl ag ár cuairteoirí faoi bhun an úrlár oíche amháin. Is dócha gur domsa a thiteann an dúshlán arís agus tá m'fhearúlacht curtha i gceist aici fiú!

Tá'n slua beag lán ábalta cáis a bhaint ó na gaistí gan iad a scaoileadh agus an comhairle is déanaí ná an cáis a ghreamú le super-glue chun bac éigin a chur ar na béilí.

Tá cúpla plucóid ultrasonacha againn freisin, a cheapamar gur mhínigh easpa cuairteoirí le bliain beag anuas, ach i ndáiríre, ní fiú faic iad agus chualamar an rince ar siúl faoi sheomra ina raibh ceann ag cliceál leis.

Tá sí féin lán dáiríre áfach: mura dhíbrím na bastaird beaga tá sí chun glaoch a chur ar an tslua seo, agus íoc as le mo

chártasa!

Anois Teacht an Earraigh ...

2010-02-02T13:12:00.006Z

... agus ná creid a mhalairt.

Is minic a chloisim daoine a mhaíonn nach dtosnaíonn an Earrach go dtí Mí Márta. Daoine ar nós an slua seo. Tá cara ag mo bhean a phós francach (fear ón Fhrainc, ní ainmhí beag salach) agus caith sé roinnt beag blianta ina chónaí in Éirinn (ar lorg na mban is dócha, ooh la la!). Dúirt sé liom gur cheap sé go raibh sé ait nár thuig Éireannaigh na séasúir in aon chor. Bhí trua agam dó, dár ndóigh, agus an aineolas mí-léannta a bhí á léiriú aige, ach is dócha gur tír óg í an Fhrainc nach bhfuil traidisiún ársa léannta bunaithe ann go fóill. Mar a dhúirt an Zhou Enlai nuair a d'iarradh air cad a cheap sé faoi Réabhlóid na Fraince i 1789:

"Tá sé ró-luath a rá."

Ach anseo in Éirinn bhí rí-thuiscint againn ar na ráithe le mílte bliain anuas. Ní gá ach Brú na Bóinne a fheiscint chun an fhírinne sin a ghlacadh. Agus ó thaobh eolas saineolaithe réalt-eolaíochta de, sé lar an Earraigh ná cónocht an Earraigh, a thiteann i Lár (na gar de) Mí Márta, de ghnáth ar an 20ú lá. Más é Mí Marta lár mhí an Earraigh, ciallaíonn sé sin gurb é Mí Feabhrá an chéad Mí agus Mí Aibreán an triú Mí. Sin an Earraigh dhaoibh a cháirde, agus is cuma sa tsioc cé chomh te, fuar, fliuch, tirim, grianmhar, scamallach nó aon rud eile is an bhíonn an aimsir.

Táimid anois i ré "Athrú Aimsire", de bharr mí-úsáid timpeallachta dár leis na saineolaithe. An bhfuil muid chun an Earrach a bhogadh gach bhlian má bhíonn Eanáir thar a bheith te againn (mar a bhí i Seattle i mbliana) nó thar a bheith fuar, mar a bhí anseo in Eirinn againn?

Ag féachaint ar na grafanna ó Met Éireann thuas.

'Siad na trí míonna is fuaire i mBiorra ná Nollaig, Eanáir agus Feabhra. Dár le lucht séasúr teochtbhunaithe, sin iad míonna an gheimhreadh. Ach fan. Féach ar seo:

In nDairbhre, 'siad na trí míonna is fuaire ná Eanáir, Feabhra agus Márta. An é go bhfuil ráithe éagsúla ag an dhá áit? An é go n-athróidh an scéal má athraíonn an aimsir tríocha bliain amach anseo, mar a thuartar? Ráiméis. Bhí an ceart ag Aonghus an Bhrogha fadó fadó, agus tá'n ceart aige fós.

Staitisticí na Míosa.

2010-01-31T23:57:00.000Z

3 turas eile an seachtain seo - 25km, 25km & 29.5km, i 64 nóiméad, 62 nóiméad & 71 nóiméad. 87.5kg an meáchan atá ionam anois. Sin 6.5kg cailte i Mí Eanáir. Táim sásta le sin. Beidh sé suimiúil a fheiscint céard a chaillfidh mé i Mí Feabhra. Ní dóigh liom gur féidir 6.5kg eile a shilleadh, mar tá teorainn ann i dtaobh cé chomh minic gur féidir liom an bhóthar a bhuaileadh. Trí aistear sa seachtain an teorainn sin.

Tá gach sonraí inchurtha agam go OpenOffice Calc ach níl dóthain agam chun cairteanna a tháirgeadh. Is maith an rud é sin, mar níl a leithéid déanta agam le blianta anuas, agus ní cuimhin liom conas é a dhéanamh in aon chur.

Ceantar 9

2010-01-28T23:54:00.000Z

Táim díreach i ndiaidh breathnú ar District 9 le m'iníon. Scannán maith a bhí ann, arbh bhfiú breathnú air agus dár ndóigh, tá teachtaireacht agus brí faoi leith i gceist i dtaobh ciníochas agus éagóir, go h-áirithe sa chomhthéacs Aifriceach. Ach bhí sé soiléar dhom ag deireadh an scannáin go raibh an fothscéal sin go hiomlán do-fheichthe do m'iníon. Níor chuala sí riamh faoi Apartheid agus níor aithnigh sí an comparáid idir saol agus cruachás na n-eachtranaigh agus a thárla do dhaoine a mhair faoi chos Apartheid.

Bua thar luath.

2010-01-26T12:54:00.005Z

Nuacht iontach ar bhua éachtach i gcoinne Banríon an Aineolais, a d'fhág rian nimhneach dá oinseachas ina dhiaidh, tar éis briseadh a cumhachta thar óg-scoláirí na tíre cúpla bhliain ó shin.

San alt seo ó Éanna Ó Caollaí fógraítear géilleadh na Roinne don fheachtais ar son tumoideachas, a bhí á troid beagnach ón lá ar éisíodh an Ciorclán ainciseach in Iúil 2007.

Sin a bhí ann. Leathanach lom aonarach gan chiall gan mhíniú seachas an sean dearcadh tíoránta - "Muidne an Roinn, géilligí dúinn!" Díríodh áird na Roinne ar an dtaighde náisiúnta agus idirnáisiúnta a léirigh gur fearr go mór an tumoideachas ní hamháin chun foghlam an Ghaeilge ach chun máistreacht an Bhéarla chomh maith. Go bhfios dom freisin, ní rinneadar taighde ar bith iad féin chun an chinneadh amaideach a thacú. Is léir nach bhfuil mórán tuiscint ag an Roinn úd ar an mhodh eolaíoch.

Mo chomhgháirdeachas ó chroí dóibhsean a d'eagraigh an fheachtais, Gaelscoileanna ina measc, agus go háirithe do choistí bhainistíochta an dhá Gaelscoil (Gaelscoil Nás na Ríogh agus Gaelscoil Mhic Easmuinn) a chuir an ceist ós comhair na hArd-Chúirte, chun cúis léinn agus foghlamtha an Ghaeilge a chaomhnú. Maith sibh!

Ait áfach nach bhfuil fáth tugtha ag an Roinn don athrú intinne. Níl freagra againn ach oiread ar chén fáth a rinneadh iarracht ar obair na nGaelscoileanna a mhilleadh. Sin ceist eile ...

Bóthar Nua.

2010-01-24T21:22:00.002Z

Bhuel, treo nua ar aon nós. I ndiaidh lámh trom an stáit a bheith leagtha anuas orm, bhí orm an mhótarbhealach a sheachaint inniú, ach táim sásta go bhfuil an slí mhalartach chomh oiriúnach is a bhí an slí ar a raibh taithí agam air le blianta fada anois. Rinneas 29.5km inniú i 71 nóiméad agus rinneas ar maidin é, ionas go mbéinn in ann an bóthar a scrúdú, ar eagla go bhfuil poill nó a leithéidí ann, nach bhfeicfinn istoíche. Bhí chuile méadar den tseanslí ar eolas agam, sa chaoi is go raibh a fhios agam cén áiteanna a bheadh uisce bailithe i ndiaidh ceatha 7rl.

Ní raibh sé fliuch inniú agus is dócha go dtógfaidh sé cúpla mí imeacht i dtaithí daingean ar an aistir nua ach táim sásta ar a laghad go bhfuil dóthan spás ann dom agus nach bhfuil mé i mbaol bás imeacht amach sa dhorchadas.

Is léir gur maidin Domhnaigh maidin an rothaíocht, in Ascaill na nGall ar aon nós. Bíonn grúpaí idir bheag agus mhór de dhaoine idir óg agus aosta a gabháil síos an bhóthair, iad uile gléasta ar nós Seán Kelly agus róthair rása mar fhaobhair ag gearradh na gaoithe acu, agus mise ar nós eilifint ar thóir giorria ar bhoinn ramhar mo rothar sléibhe. Caithfidh mé a admháil go gcuireann sé náire orm nuair a bhrostaíonn páistí tharaim chomh tapaidh is a cheapfá nach raibh mé ag gluaiseacht in aon chor. Mo sheacht mhallacht oraibh Bray Wheelers!

Tá trí seachtainí den fheachtais nua déanta anois agam, agus ar eagla nach scríobhfaidh mé faoi faic eile tá mé chun postanna na bhlonaige a theorannú go ceann amháin in aghaidh na seachtaine.

What do ye think yer playin' at?

2010-01-22T10:17:00.002Z

Aréir, thárla, faoi dheireadh, an rud a bhíodh imní agam faoi ón uair gur athraíodar stadas an seachbhóthair timpeall an bhaile s'againnse go mótarbhealach. Oíche dubhdhorcha a bhí ann, níos fluiche agus níos gaothfar ná an oíche dheireannach. Bhíos fliuch go craiceann sular shroicheas deireadh mo bhóthair féin ach fós ar aghaidh liom. Bhí an ghaoth i m'aghaidh don chéad 10km agus bhíos ag smaoineamh nárbh fhiú an ciorcad iomlán a dhéanamh in aon chor, ach nuair a shroich mé an timpeallán chun filleadh abhaile, dar ndóigh, bhí 10km de ghaoth i m' sheolta romham agus ní fhéadfainn an aistear aoibhinn sin a shéanadh.

I ndiaidh cúpla km eile a chuir díom d'airigh mé soilse dathúil na ní-ná taobh thiar dhom.

Mise: Howya Guard.
Eisean: What do ye think yer playin' at?
Mise: I'm out for an oul' cycle.
Eisean: This is a motorway. You can't cycle on a motorway.
Mise: But I've been doin' this for years.
Eisean: Well you can't do it now. No bicycles on a motorway.
Mise: Are there signs?

Go dtí seo, an meon a bhí agam ná an dearcadh fíor-bhéasach, cáirdiúl fiú, gur gá a bheith agat le Gárdaí, go háirithe nuair atá sé soiléar go bhfuil tú go hiomlán mícheart! Deirfinn ón slí ina raibh sé ag labhairt liomsa nár cheap sé go mbuailfeadh sé riamh arís le duine leath chomh creacáilte 's a bheadh amach ar mótarbhealach ar rothar i lár na hoíche.

Ach leis an cheist dheireannach sin, lena raibh an freagra agam cheanna féin (níl comharthaí ar an mbóthar sin ag rá go bhfuil cosc ar rothaí), bhíos beagáinín dána. Is dócha gur bhraith mo dhuine go raibh mé ar déanamh triail ar a dháiríreacht (bhí!) agus láithreach chuir sé a udarás i mo luí.

Eisean: Do you know the rules of the road?

Géilleadh iomlán a bhí ag teastáil anois, agus sin díreach a rinneas.

Mise: Yes, Guard. Fair enough, you're right. Can I go to the next exit?
Eisean. Go to the next exit, but if I catch you on here again, you'll be prosecucted.
Mise: Fair enough. Thanks Guard.

Agus abhaile liom. Táim i gcruachás anois áfach, mar cé gur fíor go bhfuil contúirt áirithe a bheith ar an mótarbhealach, tá an gualainn bhrea leathan ann gan trácht ar bith le cur isteach orm. Má úsáidim cúlbhóithre cúnga beidh i bhfad níos mó baol i gceist, go háirithe i rith an oíche.

Dála an scéal, chríochnaigh mé an turas de 23.5km i 61 nóiméad, ach bhí an agallamh beag san áireamh, rud a dhó cúpla nóiméad is cinnte. I ndáiríre, níl an t-am a thógaim ar oíche áirithe róthábhachtach ach amháin go mbeadh dul chun cinn le sonrú. Tá, dar liom, mar is 90kg atá anois ionam.

Droch Oíche Fliuch Fíochmhar.

2010-01-19T23:05:00.001Z

23.5km i 59 nóiméad a rinneas anocht. Bhí mé fliuch báite faoi dheireadh agus an cuma air gur ag snámh a bhíos! De bharr go raibh sé cuíosach gaothfar nílim ró-bhuartha nár éirigh liom an 57 nóiméad ón oíche roimhe seo a shárú.

Dul chun cinn.

2010-01-17T22:10:00.000Z

Sula ndéanaim dearmad air, rinneas 23km aréir i 57 nóiméad. Nuair atá tuilleadh obair déanta agam beidh grafanna agus chuile sórt staitisticí agam chun an dul chun cinn a léiriú, ach níl le déanamh agam anois ach chuile turas a thaifeadadh.

Cad is ciníochas ann?

2010-01-15T17:45:00.000Z

Ní féidir mórán ama a chaitheamh ar líne in Éirinn gan ciníochas nimhneach a fheisicint ach is minic nach n-aithnítear mar chiníochas í in aon chor.

Féach ar seo ar an mBiorán.

Níl aon dul as ach go bhfuil fuath dearg ag roinnt daoine in Éirinn don Lucht Siúil agus tá sé deacair a thuiscint cén fáth. Dár ndóigh tá fadhb ag an lucht siúil le coiriúlacht ina measc ach nach bhfuil an fadhb céanna ag chuile céim dár sochaí?

Is minic a chloistear argóint ó shlua an fhuath nach ciníochas í fuath don Lucht Siúil mar ní 'cine' ar leith iad, ach níl anseo ach argóint atá ciníoch ann féin. Cad is cine ann ar aon nós? De réir mar a fheicitear dom é níl éinne chomh cinnte faoi brí an fhocail 'cine' ná lucht an chiníochas iad féin. Dár liom níl ach cine amháin ar domhain - an cine daonna.

Ach fiú ag glacadh leis an bhfuath seo atá fite fuaite trí meoin agus smaointe na tíre, ní éasca an rud é an fáth a thuiscint.

Scríobhas an post seo an samhradh seo chaite ar an lá chéanna ar fíodh an snáth ar an mBiorán. De réir mar a lean an díospóireacht thuigeas go raibh seans mhaith ann nach raibh an brí a bhí i gceist le húsáid an focal 'knacker' mar a shíl mé i dtús agus níor fhoilsigh mé an post ar dheireadh.

D'fhan sé i limbo mar dhreacht go dtí gur chonaic mé arís inniú é.

Seasann an dhá cheist fós. Cad is ciníochas ann agus cén fáth go bhfuil an deargfhuath ann don Lucht Siúil in Éirinn?

Blonag Nollag

2010-01-14T17:10:00.013Z

Focal álainn úr nua dhom mar bhrontannas ó Aonghus - blonag.

Dán beag mar thuilleadh spreagadh 's múscailt dhom:

Blonag Nollag.

Tolg an tslogaire,
Bolg na blonaige,
Cogair gur chúis mo thiubhas ná ragairne.

Aoine athbhliana,
Caoineadh na míonna,
Maitheasach flaitheasach cróga 's críonna.

Táim cinnte go gcabhróidh crónán an mhantra seo liom agus mé ag dreapadh suas cnoic fliucha fuara.

Aistear beag agus laghdú beag.

2010-01-13T21:38:00.003Z

Aistear beag eile ar an rothar anocht. 23.5km i 61 nóiméad. Beidh feabhas le feiscint san am sin sna míonna atá le teacht. Laghdú beag sa mheáchan go 92kg freisin. I ndáiríre áfach, seans maith gur an laghdú suantasach (100%) san méid alcól atá á ól agam is cúis le sin, seachas dhá oíche ag tarraingt mo thóin mhór timpeall cúlbhóithre an bhaile!

Sean chara gan choinne.

2010-01-07T11:11:00.007Z

Bhuail sean-chara, nach raibh feicithe againn le blianta fada anuas, isteach aréir orainn gan choinne. D'fhearamar fáilte is fiche roimhe agus chaitheamar ana-oíche ina chuideachta agus ba dheacair an rud é na leannaí a chur chun luí, chomh sceitimíneach is a bhíodar. Ar éirigh dúinn ar maidin bhí an fear úd fós linn agus an cuma air go bhfuil sé ag daingniú faoi.

Tá leath-mheangadh anois air, ionann is a rá "beidh brón oraibh sula n-imím uaibh" agus súile dubha aige nach féidir liom breathnú iontú a thuilleadh.

Is minic a lean maidin brónach oíche shúgach, nach ea?

Tús nua.

2010-01-04T23:23:00.005Z

Chuir mé 18km isteach ar an rothar inniu, mar thús ar fheachtais sláinte na hAthbhliana. 94kg a bhí ionam agus caithfidh mé an uimhir sin a laghdú tapa, ar eagla nach mbeire mé beo an am seo arís! Cuirfidh mé na staitisticí anseo mar spreagadh dhom. Agus cúis magadh daoibhse, dar ndóigh.

;-)

Fuck You I won't do what you tell me!

2009-12-21T10:23:00.005Z

Óráid eile ón Teachta Gogarty an ea?

Ní hea. Tá feachtas facebook tar éis Killing in The Name Of le Rage Against the Machine a threorú go bharr na cairteanna Shasannach. LOL.

Tá'n cleas chéanna á imirt anseo in Éirinn freisin agus feicimid Oíche Nollaig an éireoidh leo.

Níl mórán baint ag an bport a roghnaíodh leis an Nollaig ach is maith an teachtaireacht an curfá.

An bliain seo chugainn b'fhéidir gur "Bullet in the Head" mar #1 a bhéas mar aidhm acu?

Believin’ all the lies that they’re tellin’ ya
Buyin’ all the products that they’re sellin’ ya
They say jump and ya say how high
Ya brain-dead
Ya gotta fuckin’ bullet in ya head

Just victims of the in-house drive-by
They say jump, you say how high

Ar aghaidh go deo go mbeirimid bua!

Béasach Léaspach

2009-12-20T16:03:00.005Z

Fad is atá mé anseo, seo eachtra bheag a thárla sa teach s'againne. Bhíos ag labhairt lei féin ag déanamh trácht ar rud éigin fíor-thábhachtach agus cad a bhí ar siúl aici? Ag téacsáil ar an nguthán! Chailleas m'fhoighne tar éis cúpla nóiméad.

Have you any idea how rude it is to be texting when I'm trying to talk to you?

agus amach liom as an seomra, ar buile.

Nuair a d'fhill mé cúpla nóiméad ina dhiaidh sin cad é a bhí le rá aici liom?

Maybe you don't realise how rude it is to talk to someone who's trying to text?

Touché!

Bliain eile curtha isteach againn ...

2009-12-20T11:36:00.011Z

... cé gur léir nach bhfuil bliain d'obair le sonrú anseo!

Mar is iondúil, tosnóidh mé an giota seo ag iarradh maithiúnas as ucht an easpa obair anseo le déanaí. Sular thosnaigh mé mo bhlagsa is minic a thugainn fá ndeara chomh minic is a phléití easpa scríobhnóireacht ar bhlaganna ach tuigim go maith anois cúis crá croí meitheal aonarach an bhlagaideoireacht. Is dócha gurb í an fhadhb atá agam féin ná easpa brú chun múscailt.

Le míonna bheag anuas táim tar éis filleadh ar an gColáiste chun cáilíocht nua a bhaint amach. Cé gur blianta fada óna raibh mé faoi bhun oideachas fhoirméalta tá mé lán ábalta aistí a scríobh nuair a leagtar amach an ábhar dom agus nuair a chuirtear spriocdháta daingean leis. Níos deacra ar fad domsa postanna ghearra a chumadh anseo nuair atá saoirse iomlán agam! Ní fíor fiú nach bhfuil dóthain le rá agam. Tá sé ar intinn agam sliocht fada a scríobh faoin acht minic-mallachtaithe EPSEN agus uile atá cearr leis ach níl éinne ann chun mé a ghríosadh chun tosnú!

Chaitheamar tamaillín bheag i mbrú brónach an Spéirmhná thall i gCromghlinn Átha Cliath de bharr tinneas a tháinig ar an bhfear óg. Tá roinnt le rá agam faoi sin freisin, idir moladh agus lochtú, ach arís eile, cé a lasfaidh an brosna fúm?

Gan trácht ar athdhreachtú na Bunreachta a bhí ar siúl go díograiseach agam tráth dá raibh. Tá sé ráite i mbliana ag Éanna an Léinne Ghorm go gcuireadh siad an Seanad ar ceal agus iad i bhfeighil ar an dtír (ní fada uainn é, le cúnamh Dé). An é go bhfuillim ag fanacht orthu na athraithe a dhéanamh sula bhfoilsím mo thuairimí luachmhara féin?

Ní leithscéal leisce.

Ionracas

2009-11-20T21:59:00.013Z

Le blianta beaga anuas tá sé tugtha fé ndeara agam go bhfuil easpa ionracais le sonrú i chuile eacma de shaol na tíre. "'Sé sin le rá nach bhfuil tú dall" a dheireann sibh ag scigeadh as mo shoineantas shimplí. Is fíor dhaoibh a leitheoirí (má tá a leithéidí fós agam), ach ní Bertie na mBréag atá i gceist agam, nó Brian na mBraon ach oiread.

'Séard atá feicthe agam ná meoin leithleasacha santacha trína ndéantar iarracht bob a bhualadh ar dhaoine in ionad comhoibriú ar son an uile. Is minic atá i gceist ná "na bochtáin ag rí-bhochtú a chéile" mar a thárla i gCorca Dorcha tráth dá raibh. Caithfidh mé a adhmháil go mbaintear geit asam chuile uair a thárlaíonn sé. B'fhéidir go bhfuil mé ró-shoineanta agus réidh chun muinín a bheith agam as daoine, ach cad é an rogha eile - iarracht a dhéanamh gan marachtáil i scáth daoine eile?

An bhfuil taighde déanta ag saineolaithe ar an gceist seo? Cad é a mhuasclaíonn an dearca 'mé-féineach' seo? Tá sé léirithe le blianta fada (c.f. The Selfish Gene) go bhfuil sé fábharach cabhair a lorg agus a thabhairt d'ár chomharsanna. Tá teoiric an Game Theory ann, go h-áirithe an 'cluiche' teoiriciúil Idir Dhá Throm an Ghéibheannaigh. B'é an ceacht a thógadh ón gcluiche seo le fada na lá ná gurb fhearr don sochaí iomlán dá leanadh chuile duine ann ar lorg leithleasach agus go méadófaí forbairt an sochaí dá bharr.

In aineonn a shíl Gordon áfach, tá roinnt fianaise anois againn cén toradh a bhaintear nuair a leantar le réim mé féin.

Tá'n tír briste ag lucht an rachmais ach fós tá an cuma air go bhfuil an meon mídhaonna seo beo. B'fhéidir gur gá dom fanacht roinnt blianta eile go dtí go bhfilleann bun-mhoráltacht orainn i gcoitinne?

Ní hé seo le rá gur naomh mé ach oiread, agus cinnte bíonn cathú ann i gcónaí céim in áirde a thógaint más féidir, ach an bhféadfainn é a thógaint ar dhrom mo chomhghleacaithe? Agus lán fios acu go raibh braith agus cealg i ndán agam dóibh? Ní fhéadfainn. Fiú nuair atá a leithéid déanta ormsa arís agus arís eile le bliain no dhó anuas ní bheadh sé mar dhánacht agam masla mar seo a léiriú d'éinne nach raibh sé tuillte acu. Fiú nuair atá buile tuillte ag daoine, ní thabharfainn le rá go raibh díoltas ionam (cé go bhfuil!).

N'fheadar an bhfuil droch chomhluadar ar leith bainte amach agam? Le déanaí cuireadh tairiscint ós mo chomhair a bhí chun méad airgead a thuilleadh. Dúirt mo dhuine nach ndéanfadh sé an beart mura raibh leath den bhrabús ag dul dó, cé go raibh dhá thrian den obair le déanamh agamsa agus ag mo chomarádaí. Nuair a cheistigh mé an eagóir seo, phléasc sé ar buile. An raibh sé ceart agam an tairiscint a dhiúltiú? Bhí dár liom, ach níor aontaigh tromlach mo chomhghleacaithe liom agus táid anois sáite suas tóin santach an bhastún eile ag iarradh an obair a dhéanamh, in ainneoin an masla dochreidte a léiríodh dúinn! Níl déanta ansin ach an mí-iompar a mholadh, rud a chinnteoidh gur bhfeicfí arís í.

Ag filleadh ar Dhá Throm an Ghéibheannaigh, nó ar cluiche mar é, Ultimatum:

Fairness

Liar. Cheater. Traitor. These are fighting words. It’s human nature to get angry when you’re betrayed. The principles of fairness and justice have been hardwired into our brains during the evolution of social behavior. Even monkeys will object to unfair treatment. Researchers from Yerkes National Primate Research Center rewarded brown capuchin monkeys with cucumber treats if they handed a token back to the experimenter. Monkeys became angry when they saw another monkey receive a better reward for the same effort. They became even angrier when another monkey was rewarded for doing nothing. Monkeys who felt cheated actually rejected the cucumber rewards. They preferred to have nothing rather than participate in an unfair game.

Is léir go dtuigeann na moncaithe coincheap Cothrom na Féinne. Creid nó ná creid é, tá aithne agam ar dhaoine a bhfuil níos lú ionracas iontu ná moncaithe.

Namhaid an Phobail

2009-09-12T21:48:00.016+01:00

Chaitheas cúpla uair inniú ar sráideanna an phríomhchathair ag léirsiú i gcoinne NAMA. D'eagraigh Irish Peoples Union an eachtra ach is ar an mBiorán a chualas faoi. Ní raibh ach 400 i láthair, rud a chuir díomá orm, ach cad is féidir a dhéanamh mura bhfuil lucht na ngearán buartha a dhóthain aon rud a dhéanamh?

Is ar éigin go raibh níos mó na 400 anseo agus féach a thárla ansin! Más tús maith leath na hoibre, is tús fós drochthús. Ar aghaidh go deo go mbeirimid bua!

Bhí sé beagáinín greannmhar na grúpaí eagsúla a fheiscint le chéile agus an sprioc chéanna á lorg acu, ach bhí fear amháin go háirithe as áit go hiomlán.

Cad a cheap mo dhuine nuair a thosaigh RBB ag rá go mba chóir don Stáit a bheith i bhfeighil ar na bancanna? LOL.

Cad a cheap na daoine i Savills faoin slua bheag a bhí béal dorais leo ar feadh leath uair nó mar sin? Ní raibh an cuma air go raibh eagla orthú go mbainfidh Madame Guillotine ó chúl lorraí ar aon nós.

Seo roinnt íomhánna eile ón lá. N'fheadar an mbeidh stampaí á eisiú ag An Post blianta amach anseo ag ceilliúradh tús na réabhlóide?

BrendanG ón mBíorán le culaith Banana air. Lán mharcanna a Bhreandáin!

Sean Brigadista! Adelante! Viva la revolución!

Planet of the Irps!

Iarracht mhaith.

Fillfidh mé Dé Sathairn seo chugainn chun cabhrú le slua an lae inniú a shárú. Bigí ann.